تۇركيادا الەمدىك الەۋمەتتىك جەلىلەرگە شەكتەۋ قويىلدى

تۇركيا وپپوزيتسيالىق ىستانبۇل مەرى ەكرەم يماموگلۋ ۇستالعان سوڭ بىرنەشە الەۋمەتتىك جەلىگە كىرۋگە شەكتەۋ قويدى. بۇل تۋرالى X جەلىسىندە NetBlocks حالىقارالىق ينتەرنەت-مونيتورينگ قىزمەتى حابارلادى.

ونىڭ مالىمەتىنشە، YouTube ۆيدەوحوستينگى، X ،TikTok ،Instagram الەۋمەتتىك جەلىلەرىنە شەكتەۋ قويىلعان. ازىرگە بۇل تۋرالى قوسىمشا اقپارات بەرىلگەن جوق.

NTV ارناسىنىڭ حابارلاۋىنشا، ىستانبۇل باس پروكۋراتۋراسى يماموگلۋ مەن تاعى 100-دەن استام ادامعا قارسى سىبايلاس جەمقورلىق، پارا الۋ جانە لاڭكەستەرمەن ىنتىماقتاستىق جاسادى دەگەن ايىپ تاعىپ وتىر.

ايتا كەتەيىك، بۇعان دەيىن ەردوعاننىڭ باستى قارسىلاسىن تۇتقىنداۋعا وردەر بەرىلگەنىن جازعان ەدىك.

اۆتور

جاراسقان نۇرىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى