تۇركيا ەۋروپالىق وداقتىڭ قايتا قارۋلانۋ باعدارلامالارىنا قاتىسۋعا دايىن

بۇل تۋرالى ازەرتادج STAR گازەتىنە سىلتەمە جاساپ حابارلاعان. گازەت جاڭا ە و قورىنىڭ كولەمى 150 ميلليارد ەۋروعا باعالاناتىنىن ەسكە سالادى.

اتاپ ايتقاندا، زىمىرانداردى، اۋە شابۋىلىنا قارسى قورعانىس جۇيەلەرىن، ۇشقىشسىز ۇشۋ اپپاراتتارىن (دروندار)، وق-دارىلەردى، قۇرلىقتاعى اسكەرگە ارنالعان جابدىقتاردى، سونداي-اق ماڭىزدى ينفراقۇرىلىم ەلەمەنتتەرىن قورعاۋ قۇرالدارىن ساتىپ الۋ ماسەلەسى قاراستىرىلماق.

باسىلىم اتاپ وتكەندەي، تۇركيامەن قاتار وڭتۇستىك كورەيا دا ە و-نىڭ بۇل قارجىلىق باعدارلامالارىنا قاتىسۋعا نيەتتى.

ەكى ەلدىڭ وتىنىشتەرى قازىر ەۋروكوميسسيانىڭ قاراۋىندا، ول ە و كەڭەسىنە ۇسىنىستار دايىندايدى.

باسىلىم اتاپ وتەدى: تۇركيانىڭ گرەكيا جانە گرەك كيپرىمەن قارىم-قاتىناسىنداعى شيەلەنىستى جاعدايعا بايلانىستى، شەشىمنىڭ سەۋلدىڭ پايداسىنا قابىلدانۋى اناعۇرلىم ىقتيمال بولىپ كورىنەدى.

ەسكە سالا كەتەيىك، بۇعان دەيىن تۇركيانىڭ ورتالىق بانكى پايىزدىق مولشەرلەمەنى 40,5 پايىزعا دەيىن تومەندەتكەنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى