تۇركيا جانە ەۋروپا ەلدەرىنە ەت ەكسپورتتاۋ پروتسەسى سوڭعى كەزەڭىندە تۇر - ا ش م
استانا. KAZINFORM - ق ر اۋىل شارۋاشىلىعى مينيسترلىگى قازاقستاننان قاشان ەۋروپا ەلدەرىنە جانە تۇركياعا ەت ەكسپورتى باستالاتىنىن مالىمدەدى.
- ق ر ا ش م ۆەتەرينارلىق باقىلاۋ جانە قاداعالاۋ كوميتەتى ەۋروپالىق وداققا مال شارۋاشىلىعى ونىمدەرىن ەكسپورتتاۋدى كەڭەيتۋ بويىنشا جۇيەلى جۇمىس جۇرگىزۋدە. قازىرگى ۋاقىتتا جىلقى ەتىن ەكسپورتتاۋ باعىتى بويىنشا ءبىز بارلىق قاجەتتى رۇقسات قۇجاتتارىن الۋدىڭ سوڭعى كەزەڭىندە تۇرمىز. بيزنەس جۇمىسقا تولىق دايىن، سەرىكتەستەرمەن ناقتى كەلىسىمدەر جاسالدى، - دەپ جازىلعان Kazinform اگەنتتىگىنىڭ ساۋالىنا جولداعان رەسمي جاۋاپتا.
سونداي-اق ۆەدومستۆو تۇركياعا ەت ەكسپورتىنا قاتىستى دا مالىمەت بەردى.
- قازىرگى ۋاقىتتا قر اۋىل شارۋاشىلىعى مينيسترلىگى تۇركياعا ءىرى قارا مال ەتىن ەكسپورتتاۋعا ۆەتەرينارلىق-سانيتارلىق تالاپتاردى كەلىسۋ بويىنشا جۇمىس جۇرگىزىپ بولدى. ەندى وسى پروتسەستىڭ شەڭبەرىندە تۇركيا رەسپۋبليكاسىنىڭ اۋىل جانە ورمان شارۋاشىلىعى مينيسترلىگىنە ءىرى قارا مال ەتى بويىنشا تولتىرىلعان ساۋالناما جىبەرىلدى جانە تۇركيا رەسپۋبليكاسى تاراپىنان جاۋاپ كۇتىلۋدە، - دەلىنگەن حابارلامادا.
ايتا كەتەيىك، بىلتىر جىل سوڭىندا ق ر اۋىل شارۋاشىلىعى ۆيتسە-ءمينيسترى ازات سۇلتانوۆ ەلىمىزدەن قىتاي، تۇركيا جانە ەۋروپا ەلدەرىنە ەت ەكسپورتتاۋ باستالاتىنىن ايتقان بولاتىن.
سونداي-اق مينيسترلىك بىلتىر قازاقستان قاي ەلدەرگە قانشا ەت ەكسپورتتاعانىن مالىمدەدى.
اۆتور
ەربول جانات
