تۇركى مەملەكەتتەرى ۇيىمىنىڭ كەلەسى سامميتى قىرعىزستاندا وتەدى
تۇركى مەملەكەتتەرى ۇيىمىنىڭ Ⅺ سامميتى كەلەسى جىلى قىرعىزستاندا وتەدى. بۇل تۋرالى مەملەكەت باسشىسى قاسىم-جومارت توقايەۆ ايتتى، دەپ حابارلايدى Kazinform.
«كەزەكتى 11- سامميت كەلەسى جىلى قىرعىزستاندا وتەدى. بۇگىن قابىلدانعان شەشىمدەر تۇركى ەلدەرىن ودان ءارى دامىتۋعا ىقپال ەتەتىندىگىنە كامىل سەنەمىن»، - دەدى تۇركى مەملەكەتتەرى ۇيىمىنىڭ 10- سامميتىن قورىتىندىلاعان قازاقستان پرەزيدەنتى.
سونىمەن قاتار قاسىم-جومارت توقايەۆ تۇركى الەمىنىڭ بىرلىگىن كۇشەيتۋگە قوسقان زور ۇلەسى ءۇشىن وزبەكستان پرەزيدەنتىنە وردەن تاپسىردى.
«مەن تۇركى الەمىنىڭ بىرلىگىن كۇشەيتۋگە قوسقان ەلەۋلى ۇلەسى ءۇشىن وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆتى تۇركى الەمىنىڭ ەڭ جوعارى وردەنىمەن ماراپاتتاۋ جونىندە باستاما كوتەردىم. مەنىڭ ۇسىنىسىم ءبىراۋىزدان قولداۋ تاپتى، ريزاشىلىعىمدى بىلدىرەمىن»، - دەدى مەملەكەت باسشىسى.
