تۇركى مەملەكەتتەرى ۇيىمىنا مۇشە ەلدەر اراسىندا جەڭىلدەتىلگەن كەدەن ءدالىزى قۇرىلادى
پارلامەنت ءماجىلىسى «تۇركى مەملەكەتتەرى ۇيىمىنا مۇشە مەملەكەتتەردىڭ ۇكىمەتى اراسىنداعى وڭايلاتىلعان كەدەن ءدالىزىن قۇرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن تالقىلايدى، دەپ حابارلايدى Kazinform.
«اتالعان زاڭ جوباسى ماجىلىسكە ۇكىمەتتىڭ قاۋلىسىمەن 2023-جىلى 9- قازاندا ەنگىزىلدى. قۇجات تۇركى مەملەكەتتەرى ۇيىمىنا مۇشە مەملەكەتتەر اراسىندا وڭايلاتىلعان كەدەن ءدالىزىن قۇرۋ تۋرالى كەلىسىمدى راتيفيكاتسيالاۋعا باعىتتالعان. بۇل كەلەسىمدە تاراپتار اراسىنداعى كەدەندىك باقىلاۋدى جۇرگىزۋ مەرزىمىن قىسقارتۋ، تاۋارلار مەن كولىكتەرگە قاتىستى اقپارات الماسۋدى دامىتۋ، كەدەندىك باقىلاۋ راسىمدەرىن جەڭىلدەتۋ جانە سىرتقى ەكونوميكالىق قىزمەتكە قاتىساتىندار ءۇشىن قولايلى جاعداي جاساۋ جوسپارلانعان. ءماجىلىستىڭ قارجى جانە بيۋدجەت كوميتەتى وسى زاڭ جوباسى بويىنشا قورىتىندى ازىرلەۋگە دايىن»، - دەدى ءماجىلىس دەپۋتاتى ءمادي تاكييەۆ.
بۇدان بۇرىن حابارلانعانداي، بۇگىن ءماجىلىستىڭ جالپى وتىرىسى ءبىر مينۋت ۇنسىزدىكپەن باستالىپ، دەپۋتتار قاراعاندى وبلىسىندا شاحتادا بولعان اپات سالدارىنان قازا تاپقان كەنشىلەردى ەسكە الدى.
