تۇركى ەلدەرىنىڭ جاستارىن بايلانىستىراتىن پلاتفورما قۇرىلادى
استانا. KAZINFORM - تۇركى ەلدەرىنىڭ جاستارىن بايلانىستىراتىن پلاتفورما قۇرىلادى. بۇل تۋرالى استانادا وتكەن تۇركى مادەنيەتى مەن مۇراسى قورى كەڭەسىنىڭ II وتىرىسىندا اقتوتى رايىمقۇلوۆا ايتتى.
- قور ءوز قىزمەتى اياسىندا جاستارمەن جۇمىس ىستەۋگە اسا ءمان بەرەدى. بۇل تۇرعىدا، جاس بۋىن وكىلدەرىن تۇركى الەمىنىڭ مادەنيەتىن، مۇراسىن، تاريحىن تولىققاندى وقۋ، زەرتتەۋ ماقساتىندا تۇركى مەملەكەتتەرىنىڭ ۇلتتىق ۋنيۆەرسيتەتتەرى قابىرعاسىندا تۇركى مۇراسى ورتالىقتارىن اشۋدى كوزدەپ وتىرمىز، - دەدى ۇيىم باسشىسى.
قور پرەزيدەنتى بيىل بۇنداي ورتالىقتار ءۇش ەلدەگى ۇلتتىق ۋنيۆەرسيتەتتەر قابىرعاسىندا اشىلاتىنىن، الداعى جىلدارى ولاردىڭ قاتارىن ارتتىرۋ جوسپاردا بارىن اتاپ ءوتتى.
- 2025 - جىلى مۇنداي ورتالىقتاردى الماتى قالاسىنداعى ءال فارابي اتىنداعى قازاق ۇلتتىق ۋنيۆەرسيتەت جانىنان، بىشكەك قالاسىندا ورنالاسقان ءجۇسىپ بالاساعۇن اتىنداعى قىرعىز ۇلتتىق ۋنيۆەرسيتەتى جانىنان، سونداي-اق تۇركيا مەملەكەتىندە دە اشامىز دەگەن جوسپارىمىز بار، - دەدى اقتوتى رايىمقۇلوۆا.
قور باسشىسىنىڭ ايتۋىنشا، بۇنداي ورتالىقتار تۇركى تەكتەس ەلدەر جاستارىنىڭ اراسىندا پايدالى قارىم- قاتىناس (network) ورناتىپ، مادەنيەت الماسۋعا ىقپال ەتەدى.
ايتا كەتەيىك، اتالعان وتىرىستى اشقان ق ر مادەنيە جانە اقپارات ءمينيسترى ايدا بالايەۆا تۇركىستاندا رەستاۆراتورلار دايارلاۋدى ۇسىندى.
سونداي-اق، تۇركى مادەنيەتى مەن مۇراسى قورىنا مۇشە ەلدەر سانى ارتاتىنى بەلگىلى بولدى.
