ترامپتىڭ تاريفتەرى: الەمدەگى ەڭ باي ادامدار 24 ساعاتتا 208 ميلليارد دوللاردان ايىرىلدى
استانا. قازاقپارات - Bloomberg مالىمەتىنشە، ا ق ش پرەزيدەنتى دونالد ترامپ جاڭا كەدەندىك باج سالىعىن ەنگىزەتىنىن جاريالاعاننان كەيىن ءبىر كۇندە عالامشارداعى ەڭ باي 500 ادامنىڭ جالپى بايلىعى 208 ميلليارد دوللارعا قىسقاردى، دەپ حابارلايدى ت ا س س.
ترامپ مالىمدەمەسى الەمدىك قارجى نارىقتارىن قۇلدىراۋعا اكەلىپ، يندەكستى سوڭعى 13 جىلداعى جانە COVID-19 پاندەمياسىنىڭ باستالۋىنان بەرگى ءتورتىنشى ەڭ ۇلكەن ءبىر كۇندىك قۇلدىراۋعا اكەلدى. تىزىمگە قاتىسۋشىلاردىڭ جارتىسىنان كوبى شىعىنعا ۇشىراپ، ورتاشا ەسەپپەن ءوز كاپيتالىنىڭ 3,3 پايىزعا جۋىعىنان ايىرىلدى.
اسىرەسە امەريكالىق كاسىپكەرلەر قاتتى زارداپ شەكتى. Meta كومپانياسىنىڭ باس ديرەكتورى مارك تسۋكەربەرگتىڭ بايلىعى كومپانيا اكتسيالارى 9 پايىزعا تومەندەگەننەن كەيىن 17,9 ميلليارد دوللارعا قىسقاردى. Amazon نەگىزىن قالاۋشى دجەفف بەزوس ءدال وسىنداي سەبەپپەن 15,9 ميلليارد دوللار جوعالتتى. Tesla باس ديرەكتورى يلون ماسك 11 ميلليارد دوللارىنان ايىرىلدى، سەبەبى ونىڭ كومپانياسىنىڭ اكسيالارى 5,5 پايىزعا ارزانداعان.
كەيبىر ميللياردەر زارداپتاردان قۇتىلا الدى. اتاپ ايتقاندا، مەكسيكالىق كاسىپكەر كارلوس سليم جاڭا تاريفتەردىڭ ايتارلىقتاي اسەرىن سەزىنگەن جوق.
ەسكە سالا كەتسەك، پرەزيدەنت دونالد ترامپ ا ق ش- تىڭ بارلىق ساۋدا سەرىكتەسى ءۇشىن 10 پايىز تاريفتى جانە ءوزىنىڭ «امەريكا ءبىرىنشى كەزەكتە» اتتى باعدارلاماسى اياسىندا وزگە ونداعان مەملەكەتكە بارلىق سالانى قامتيتىن جوعارى باج سالىعىن ەنگىزۋدى قاراستىراتىن پاكەتىن ۇسىندى.
الەم كوشباسشىلارى ترامپ ەنگىزگەن تاريفتەرگە قالاي قارايتىنىن جازعان بولاتىنبىز.
مۇناي باعاسى ترامپتىڭ جاڭا تاريفتەرى جانە وپەك+ شەشىمدەرى اياسىندا تومەندەدى.
اقپاراتتى Kazinform اگەنتتىگىنە ارنايى تاسس سەرىكتەس اگەنتتىگى ۇسىندى.
