ترامپ: يزرايلگە قاتار ماسەلەسىندە ساق بولۋ كەرەك
استانا. KAZINFORM - يزرايلگە قاتار ماسەلەسىندە ساق بولۋ كەرەك. «ارمەنپرەسس» - ءتىڭ حابارلاۋىنشا، ا ق ش پرەزيدەنتى دونالد ترامپ بۇل تۋرالى نيۋ- دجەرسي- دەگى مورريستاۋن اۋەجايىندا جۋرناليستەرمەن بولعان اڭگىمە بارىسىندا ايتتى.
ءيزرايلدىڭ قاتارداعى حاماس كوشباسشىلارىنا جاساعان سوققىسى تۋرالى نە ايتار ەدىڭىز دەگەن ساۋالعا: «مەن ولاردىڭ ساق بولعانىن قالار ەدىم. ارينە، يزرايلگە حاماس- قا قاتىستى قانداي دا ءبىر شارا قولدانۋ كەرەك. ال قاتار قاشاندا ا ق ش- تىڭ سەنىمدى سەرىگى بولعان. ونى كوبى بىلەدى»، - دەدى ترامپ.
سونىمەن قاتار ا ق ش كوشباسشىسى قاتار ءامىرى تاميم بين حاماد ال- تانيدىڭ وتە جاقسى ادام ەكەنىن ايتتى. وعان قازىر ءوزىنىڭ ابىروي ماسەلەسىنە نازار اۋدارۋ كەرەك. سەبەبى قاتاردا ول تۋرالى ەلدىڭ پىكىر جاقسى ەمەس.
- ال يزرايلگە جانە باسقالارعا دا ساق بولعان ءجون، - دەدى ترامپ.
ايتا كەتەيىك، 9 - قىركۇيەكتە يزرايل حاماس كوشباسشىلارىن نىساناعا الىپ، قاتار استاناسىنا سوققى جاسادى. حاماس وسى شابۋىل سالدارىنان قوزعالىستىڭ بەس مۇشەسى قازا بولعانىن ايتتى.
