ترامپ: پۋتينمەن العاشقى كەزدەسۋ ساۋد ارابياسىندا وتەدى
استانا. KAZINFORM - دونالد ترامپ اق ءۇيدىڭ سوپاق كابينەتىندە تىلشىلەردىڭ سۇراقتارىنا جاۋاپ بەردى، دەپ حابارلايدى BBC.
ترامپتىڭ ايتۋىنشا، ونىڭ رەسەي پرەزيدەنتى ۆلاديمير پۋتينمەن العاشقى كەزدەسۋى ساۋد ارابياسىندا وتەدى، بۇل تۋرالى ولار تەلەفون ارقىلى سويلەسكەن كەزدە كەلىسكەن.
ترامپ قورعانىس ءمينيسترى پيت حەگسەتتىڭ ۋكراينانىڭ ناتوعا مۇشە بولۋى شىندىققا جاناسپايدى دەگەن پىكىرىمەن كەلىسەتىنىن ايتتى. ول «پايداسىز» ەكەنىن قوسىپ ءوتتى.
سونىمەن قاتار، ترامپ ا ق ش- تىڭ ۋكرايناعا كومەك كورسەتۋدى جالعاستىراتىنىن ايتتى، ءبىراق «ءبىز ونىڭ قامتاماسىز ەتىلۋىن قالايمىز» دەپ مالىمدەدى. ول ناقتى قالاي ەكەنىن اشىپ ايتپادى، ءبىراق بۇعان دەيىن ۋكراينا ا ق ش- قا ماڭىزدى مينەرالداردى جەتكىزۋى كەرەك دەگەن ۇسىنىس جاساعان ەدى.
امەريكا پرەزيدەنتى ۋكراينادا اتىستى توقتاتۋ «تاياۋ بولاشاقتا» مۇمكىن جانە ەلدە «قانداي دا ءبىر ساتتە» جاڭا سايلاۋ ءوتۋى كەرەك دەپ سانايدى. ۋكراينا زاڭىنا سايكەس، اسكەري جاعداي كەزىندە سايلاۋ وتكىزۋ مۇمكىن ەمەس.
بۇعان دەيىن رەسەي پرەزيدەنتى ۆلاديمير پۋتين امەريكا ليدەرى دونالد ترامپپەن تەلەفون ارقىلى كەلىسسوز جۇرگىزدى.
سودان كەيىن ا ق ش پرەزيدەنتى دونالد ترامپپەن سويلەسكەن ۆلاديمير زەلەنسكي بىتىمگە كەلۋدى قالايتىنىن ايتقان.
