ترامپ سايلانعان پرەزيدەنت رەتىندە العاشقى شەتەلدىك ساپارىن پاريجدەن باستاماق

«مەن سەنبى كۇنى پاريجگە، فرانسياعا بەس جىل بۇرىن جويقىن ورتتەن كەيىن تولىعىمەن قايتا سالىنعان كەرەمەت جانە تاريحي نوتر- دام سوبورىنىڭ قايتا اشىلۋىنا قاتىساتىنىمدى ماقتانىشپەن حابارلايمىن»، - دەپ جازدى دونالد ترامپ «Truth Social» - داعى جازباسىندا.

تاريحي سوبور 2019 -جىلدىڭ ساۋىرىندە ورتتەن زارداپ شەكتى جانە سودان بەرى قايتا جوندەۋدەن ءوتىپ جاتىر. قالپىنا كەلتىرۋ جۇمىستارى ۇزاق جىلدار بويى جالعاسىپ وتىرعانىنا قاراماستان، نوتر- دام كەلۋشىلەردى 7- جەلتوقساندا قارسى الۋى ءتيىس.

عيماراتتىڭ سولتۇستىك مۇناراسىنداعى سەگىز قوڭىراۋدىڭ دىبىسى سوبور 8 - جەلتوقساندا كوپشىلىككە ەسىگىن اشقانعا دەيىن ەستىلدى.

فرانسيا پرەزيدەنتى ەممانيۋەل ماكرون سول كۇنى ءسوز سويلەپ، 8 - جەلتوقساندا پاريج ارحيەپيسكوپى لوران ۋلريح باستاعان مەسساعا قاتىسادى دەپ كۇتىلىپ وتىر.

وتكەن ايدا دونالد ترامپتىڭ سايلاۋداعى جەڭىسىنەن كەيىن فرانسۋز كوشباسشىسى ونى X الەۋمەتتىك جەلىسىندە قۇتتىقتاۋعا اسىقتى.

«ءبىز ءتورت جىل بويى جاساعانىمىزداي بىرلەسە جۇمىس ىستەۋگە دايىنبىز. ءسىزدىڭ جانە مەنىڭ سەنىمدەرىممەن. قۇرمەتپەن جانە امبيتسيامەن. ۇلكەن بەيبىتشىلىك پەن وركەندەۋ ءۇشىن»، - دەپ جازدى ەممانيۋەل ماكرون.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى