ترامپ: سايلاۋدا جەڭىسكە جەتسەم، بايدەننىڭ ۇلىنا راقىمشىلىق جاساۋعا رۇقسات بەرەر ەدىم
استانا. KAZINFORM - ا ق ش-تىڭ بۇرىنعى پرەزيدەنتى، رەسپۋبليكالىق پارتيادان ا ق ش پرەزيدەنتتىگىنە ۇمىتكەر دونالد ترامپ پرەزيدەنتتىك سايلاۋدا جەڭىسكە جەتكەن جاعدايدا قازىرگى امەريكالىق كوشباسشى دجو بايدەننىڭ ۇلى حانتەر بايدەنگە راقىمشىلىق جاساۋدان باس تارتپايتىنىن ايتتى، دەپ حابارلايدى تاسس اگەنتتىگى.
«مەن ونى تىزىمنەن سىزىپ تاستاماس ەدىم»، - دەدى ترامپ راديوجۇرگىزۋشى حيۋ حيۋيتتتىڭ «حانتەر بايدەن تۇرمەگە جابىلسا، كەشىرەر مە ەدىڭىز؟» دەگەن ساۋالىنا وراي.
سونىمەن بىرگە ترامپ كىشى بايدەننىڭ جامان ادام ەكەنىن ايتتى.
2023 -جىلدىڭ جەلتوقسان ايىنىڭ باسىندا امەريكالىق كوشباسشىنىڭ ۇلىنا توعىز سالىق تولەۋدەن جالتارعان دەگەن ايىپ تاعىلدى. پروكۋرورلار ول ميلليونداعان دوللاردى «سالىق تولەۋدىڭ ورنىنا ەكستراۆاگانتتىق ءومىر سالتىنا» جۇمسادى دەپ ەسەپتەيدى. ول 17 جىلعا دەيىن باس بوستاندىعىنان ايىرىلۋى مۇمكىن.
2024 -جىلدىڭ قىركۇيەگىندە كىشى بايدەن بارلىق توعىز ايىپ بويىنشا كىناسىن مويىندادى.
بۇعان دەيىن قازىلار القاسى ا ق ش پرەزيدەنتى دجو بايدەننىڭ ۇلى حانتەر بايدەندى اتىس قارۋىن ساتىپ الۋ كەزىندە ەسىرتكى پايدالانعانى تۋرالى وتىرىك ايتقانى ءۇشىن كىنالى دەپ تاپقانى حابارلانعان بولاتىن. بۇل جاعدايدا ول 25 جىلعا دەيىن باس بوستاندىعىنان ايىرىلۋى مۇمكىن.
ەستەرىڭىزگە سالا كەتەيىك، ترامپ سايلاۋدا جەڭىسكە جەتكەن جاعدايدا «تاياۋ شىعىستاعى حاوستى توقتاتۋعا» ۋادە بەردى.
