ترامپ رەسەي مەن قىتايعا قورعانىس بيۋدجەتىن ەكى ەسە قىسقارتۋدى ۇسىنباق
استانا. KAZINFORM - ا ق ش پرەزيدەنتى دونالد ترامپ رەسەي كوشباسشىسى ۆلاديمير پۋتينمەن جانە ق ح ر ءتوراعاسى شي جينپيڭمەن مۇمكىندىگىنشە تەزىرەك كەزدەسۋ وتكىزگىسى كەلەتىنىن مالىمدەدى، دەپ حابارلايدى رەسەيلىك تاسس اقپارات اگەنتتىگى.
ترامپتىڭ اق ۇيدە تىلشىلەرمەن اڭگىمەلەسۋى كەزىندە وعان ا ق ش، رەسەي جانە قىتاي اراسىندا ءۇشجاقتى سامميت وتكىزۋدى قاراستىرىپ جاتىر ما دەگەن سۇراق قويىلدى.
- مەن بۇل تۋرالى جاعداي ءسال تىنىشتالعاندا ويلانىپ كورەمىن، - دەدى ترامپ.
بۇل رەتتە ول ءوزىنىڭ 2021 -جىلى، ياعني ءبىرىنشى پرەزيدەنتتىك مەرزىمىنىڭ اياقتالۋى تۇسىندا ۋكراينا داعدارىسى بولماعانىن جانە تاياۋ شىعىستاعى جاعداي شيەلەنىسپەگەنىن ەسكە سالدى.
- مەن قايتىپ كەلگەندە ءبارى باسقاشا ەدى. سوندىقتان مەن بۇل ماسەلەلەردى رەتتەيتىن كەزدە، ءبىرىنشى كەزكتە قىتاي ءتوراعاسى شيمەن (شي جنپيڭمەن)، رەسەي پرەزيدەنتى پۋتينمەن كەزدەسۋدى قالايمىن، - دەپ مالىمدەدى ترامپ.
ول وسى بايلانىستار بارىسىندا «اسكەري بيۋدجەتتەردى ەكى ەسە ازايتۋدى» تالقىلاعىسى كەلەتىنىن ءتۇسىندىردى.
- بۇل قولىمىزدان كەلەدى. مەنىڭ ويىمشا، ءبىز مۇنى ىستەي الامىز، - دەپ تۇيىندەدى ترامپ.
بۇعان دەيىن رەسەي پرەزيدەنتى ۆلاديمير پۋتين امەريكا ليدەرى دونالد ترامپپەن تەلەفون ارقىلى كەلىسسوز جۇرگىزدى.
سودان كەيىن ا ق ش پرەزيدەنتى دونالد ترامپپەن سويلەسكەن ۆلاديمير زەلەنسكي بىتىمگە كەلۋدى قالايتىنىن ايتقان.
ترامپتىڭ ايتۋىنشا، ونىڭ رەسەي پرەزيدەنتى ۆلاديمير پۋتينمەن العاشقى كەزدەسۋى ساۋد ارابياسىندا وتەدى، بۇل تۋرالى ولار تەلەفون ارقىلى سويلەسكەن كەزدە كەلىسكەن.
Kazinform ءۇشىن ارنايى تاسس سەرىكتەس اگەنتتىگى ۇسىندى.
اۆتور
زارينا تۋعانبايەۆا
