ترامپ پەن پۋتين كەلەسى اپتادا سويلەسۋى مۇمكىن - ۋيتكوفف
استانا. KAZINFORM – ا ق ش پرەزيدەنتىنىڭ ارنايى وكىلى ستيۆ ۋيتكوفف CNN- گە بەرگەن سۇحباتىندا دونالد ترامپ پەن ۆلاديمير پۋتين كەلەسى اپتادا تاعى دا تەلەفون ارقىلى سويلەسۋى مۇمكىن ەكەنىن ايتتى، دەپ حابارلايدى BILD.
- پرەزيدەنت ترامپ مۇنى (قاقتىعىستى) توقتاتۋدى قالايدى. مەنىڭ ويىمشا، پرەزيدەنت پۋتين مەن پرەزيدەنت زەلەنسكي دە مۇنى توقتاتقىسى كەلەدى، - دەدى ۋيتكوفف.
سونداي-اق، ونىڭ پىكىرىنشە، پۋتين «ترامپتىڭ فيلوسوفياسىن» قابىلدايدى.
بۇعان دەيىن ۋيتكوفف ماسكەۋدە ۆلاديمير پۋتينمەن كەزدەسكەن ەدى. ا ق ش پرەزيدەنتى ارنايى وكىلىنىڭ ايتۋىنشا، كەزدەسۋ 3-4 ساعاتقا سوزىلىپ، جاعىمدى اتموسفەرادا ءوتتى.
وسىدان بۇرىن دونالد ترامپ ا ق ش اسكەرىنە يەمەندىك كوتەرىلىسشى حۋسيتتەرگە قارسى ارەكەتتى باستاۋدى تاپسىرعانىن جازعان ەدىك.
