ترامپ ەلدەن ەرىكتى تۇردە كەتكىسى كەلەتىن زاڭسىز ميگرانتتارعا قارجىلاي كومەك پەن ۇشاق بيلەتىن ۇسىندى

ا ق ش پرەزيدەنتى دونالد ترامپ ەلدەن ءوز ەركىمەن كەتكىسى كەلەتىن زاڭسىز ميگرانتتارعا قارجىلاي كومەك پەن ۇشاق بيلەتىن ۇسىناتىن جاڭا ۇسىنىسى بارىن مالىمدەدى. بۇل تۋرالى ا ق ءۇي باسشىسى Fox News امەريكالىق تەلەارناسىنا بەرگەن سۇحباتىندا ايتتى.

ترامپ قازىرگى كەزدە ا ق ش بيلىگى «قاۋىپتى» ميگرانتتاردى ەلدەن دەپورتاتسيالاۋ ءىسىن جالعاستىرىپ جاتقانىن، سونداي-اق ەلدەن كەتۋگە نيەتتى زاڭسىز ميگرانتتارعا ارنالعان باعدارلاما دايىنداپ جاتقانىن جەتكىزدى.

پرەزيدەنتتىڭ ايتۋىنشا، جاڭا ميگراتسيالىق باستاما ولارعا قارجىلاي كومەك كورسەتىپ، ۇشاق بيلەتىن قامتاماسىز ەتۋدى قاراستىرادى.

- ەگەر ولار ءتارتىپتى بولىپ، ءوز ەلىنە ورالۋعا نيەت بىلدىرسە، ءبىز ولاردى مۇمكىندىگىنشە تەز قايتارۋ ءۇشىن بىرلەسىپ ارەكەت ەتەمىز، - دەدى ول.

سايلاۋالدى ناۋقانى كەزىندە ترامپ «ميلليونداعان ميگرانتتى» دەپورتاتسيالاۋ جوسپارى بار ەكەنىن مالىمدەگەن بولاتىن. ءوز كەزەگىندە ا ق ش ۆيتسە-پرەزيدەنتى دجەيمس دەۆيد ۆەنس بۇل جۇمىستى 1 ميلليون ميگرانتتان باستاۋعا بولاتىنىن ايتقان.

زاڭسىز يمميگراتسياعا قارسى كۇرەس اياسىندا دونالد ترامپ بۇعان دەيىن تەك سوعىس كەزىندە قولدانىلعان 1798-جىلعى «شەتەلدىك جاۋلار تۋرالى زاڭدى» («Alien Enemies Act») پايدالانىپ، «شەتەلدىك تەرروريستىك ۇيىمدارمەن» بايلانىسى بار ميگرانتتاردى ەلدەن جەدەل شىعارۋ شارالارىن ىسكە اسىرعان ەدى.

ەسكە سالا كەتەيىك، بۇعان دەيىن ترامپ زاڭسىز يمميگرانتتار ءۇشىن باسپانا بولعان قالالار قارجىلاندىرۋدان ايىرىلاتىنىن مالىمدەگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى