ترامپ كەزەكتى رەت ا ق ش- تىڭ گرەنلانديانى باقىلاۋدا ۇستاۋىن ۇسىندى
استانا. KAZINFORM – ا ق ش- تىڭ جاڭادان سايلانعان پرەزيدەنتى دونالد ترامپ ارالعا يەلىك ەتۋ ا ق ش ءۇشىن «ابسوليۋتتى قاجەتتىلىك» ەكەنىن مالىمدەدى، دەپ حابارلايدى Kazinform مەنشىكتى ءتىلشىسى ABC News-كە سىلتەمە جاساپ.
- بۇكىل الەمدە ۇلتتىق قاۋىپسىزدىك پەن بوستاندىق ماقساتىندا امەريكا قۇراما شتاتتارى گرەنلاندياعا يەلىك ەتۋ جانە باقىلاۋ ابسوليۋتتى قاجەتتىلىك دەپ سانايدى. كەن قۇراما شتاتتار مۇددەسىن قورعايتىن تاماشا جۇمىس ىستەيدى، - دەپ جازدى دونالد ترامپ «PayPal» نەگىزىن قالاۋشى كەن حوۆەريدىڭ دانياداعى ەلشىسى بولىپ تاعايىندالعانىن جاريالاعاننان كەيىن.
گرەنلانديا پرەمەر-ءمينيسترى مۋتە ەگەدە بۇل يدەيانى ءۇزىلدى-كەسىلدى قابىل الماي، Facebook-تە مالىمدەمە جاريالادى: «گرەنلانديا بىزدىكى. ءبىز ساتىلمايمىز جانە ەشقاشان ساتىلاتىن بولمايمىز. ءبىز ازاتتىق ءۇشىن كوپ جىلعى كۇرەسىمىزدى جوعالتپاۋىمىز كەرەك. دەگەنمەن، ءبىز بۇكىل الەممەن، اسىرەسە كورشىلەرىمىزبەن ىنتىماقتاستىق پەن ساۋداعا اشىق بولۋىمىز كەرەك».
دونالد ترامپ ءوزىنىڭ ءبىرىنشى اكىمشىلىگى كەزىندە (2017-جىلدىڭ 20-قاڭتارىنان 2021-جىلدىڭ 20-قاڭتارىنا دەيىن) گرەنلانديانى ساتىپ الۋعا ارەكەتتەنۋگە قىزىعۋشىلىق تانىتقان.
ءوزىن-ءوزى باسقاراتىن ارالدا ەگەمەندىككە يە دانيانىڭ پرەمەر-ءمينيسترى مەتتە فرەدەريكسەن (2022-جىلى قايتا سايلانعان) بۇل يدەيانى «ساندىراق» دەپ اتادى.
دانيا پرەمەر ءمينيسترىنىڭ كەڭسەسى «دانيا ۇكىمەتى امەريكانىڭ جاڭا ەلشىسىمەن كەزدەسۋدى، ل ۇكىمەت جاڭا اكىمشىلىكپەن جۇمىس ىستەۋدى اسىعا كۇتەتىنىن» حابارلادى.
- قازىرگى تاڭدا ءبىز باستان كەشىرىپ وتىرعان كۇردەلى قاۋىپسىزدىك پەن ساياسي جاعدايدا ترانساتلانتيكالىق ىنتىماقتاستىق وتە ماڭىزدى. گرەنلاندياعا قاتىستى مالىمدەمەلەرگە قاتىستى ايتساق، پرەمەر-مينيستر كەڭسەسى گرەنلانديا پرەمەر-ءمينيسترىنىڭ گرەنلانديا ساتىلمايدى، ءبىراق ىنتىماقتاستىققا اشىق دەگەن سوزىنە سىلتەمە جاساۋدان باسقا ەشقانداي تۇسىنىكتەمە بەرمەيدى، - دەپ مالىمدەدى دانيا پرەمەر-ءمينيسترىنىڭ كەڭسەسى.
گرەنلانديا قۇندى مينەرالدارعا، سونىڭ ىشىندە سيرەك كەزدەسەتىن مەتالدار، اسىل تاستار، كومىر، گرافيت جانە ۋرانعا باي، ءبىراق ونىڭ گەوگرافياسى مەن كليماتى ا ق ش ساۋدا دەپارتامەنتىنىڭ حالىقارالىق ساۋدا قاۋىمداستىعىنىڭ مالىمەتتەرى بويىنشا كوممەرتسيالىق تۇرعىدان پايدالى كەن ءوندىرۋدى قيىنداتادى. ونىڭ سيرەك جەر رەسۋرستارى يگەرىلسە، الەمدەگى العاشقى «بەستىككە» كىرەر ەدى.
