ترامپ جانجالدى 24 ساعات ىشىندە اياقتاۋ تۋرالى مالىمدەمەسىنە قاتىستى پىكىر ءبىلدىردى
استانا. KAZINFORM - دونالد ترامپقا «رەسەي مەن ۋكراينا قاقتىعىسىن 24 ساعات ىشىندە شەشە الامىن دەپ نەگە ايتتىڭىز؟» دەگەن ساۋال قويىلدى، دەپ حابارلايدى BBC.
دونالد ترامپ سايلاۋ ناۋقانى كەزىندە رەسەي مەن ۋكراينا اراسىنداعى قاقتىعىستى 24 ساعات ىشىندە شەشە الاتىنىن بىرنەشە رەت ايتقان ەدى. بۇل كوپتەگەن ادامعا شىندىققا جاناسپايتىن ماسەلە بولىپ كورىندى جانە ول ءالى ورىندالمادى. دەگەنمەن Full Measure باعدارلاماسىنىڭ جۇرگىزۋشىسى شەريل اتتكيسسون بۇل تۋرالى ا ق ش پرەزيدەنتىنەن تىكەلەي سۇرادى. بۇل جەكسەنبىدە تولىق كورسەتىلەتىن سۇحباتتىڭ انونسىندا كورسەتىلگەن.
- سول كەزدە مىسقىلداپ ايتتىم، - دەپ جاۋاپ بەردى ترامپ. - مەنىڭ ناقتى ايتقىم كەلگەنى - بۇل قاقتىعىستىڭ شەشىلگەنىن قالايمىن. مەنىڭ قولىمنان كەلەدى دەپ ويلايمىن.
سونىمەن قاتار باعدارلاما انونسىندا ترامپ رەسەيمەن اتىستى توقتاتۋ تۋرالى كەلىسسوزدەر ءالى دە جاقسى ءجۇرىپ جاتقانىن ايتتى.
- دۇيسەنبىدە بۇل جايىندا كوبىرەك بىلەمىز، جاقسى بولادى دەپ ۇمىتتەنەمىز، - دەپ قوستى ترامپ نەنى مەڭزەگەنىن اشىپ ايتپاي.
ەسكە سالساق، وسىعان دەيىن ترامپتىڭ ارنايى وكىلى ۋكرايناداعى سوعىستى 24 ساعاتتا توقتاتۋ جونىندە پىكىر بىلدىرگەن ەدى.
سونداي-اق ترامپ ماسكەۋ مەن كيەۆتى بەيبىت كەلىسسوزدەردى باستاۋعا شاقىرعانىن جازدىق.
