ترامپ بيلىككە كەلە سالا ا ق ش- تى دۇنيەجۇزىلىك دەنساۋلىق ساقتاۋ ۇيىمىنان شىعارماق
استانا. KAZINFORM - دونالد ترامپ پرەزيدەنتتىكتىڭ تىزگىنىن ۇستاي سالا ا ق ش- تى دۇنيەجۇزىلىك دەنساۋلىق ساقتاۋ ۇيىمىنان شىعارۋدى كوزدەپ وتىر، دەپ حابارلايدى DW.
Financial Times باسىلىمىنىڭ حابارلاۋىنشا، ترامپ كومانداسىنىڭ مۇشەلەرى ا ق ش- تىڭ دۇنيەجۇزىلىك دەنساۋلىق ساقتاۋ ۇيىمىنان (د د ۇ) شىعاتىنى تۋرالى 20- قاڭتاردا جاڭا پرەزيدەنتتىڭ يناۋگۋراتسياسى كۇنى جاريالاۋدى جوسپارلاپ وتىر.
وسىلايشا، د د ۇ ەڭ ءىرى قارجىلاندىرۋ كوزىنەن ايىرىلىپ قالماق. بۇل ونىڭ كوروناۆيرۋس پاندەمياسى سياقتى ەپيدەميالارعا توتەپ بەرۋ قابىلەتىن تومەندەتەدى.
- امەريكا دەنساۋلىق ساقتاۋ سالاسىنداعى جاھاندىق كوشباسشىلىق پەن قارجىلاندىرۋدا ۇلكەن ۆاكۋۋم جاسايدى. «ونىڭ ورنىن تولتىرا الاتىن ەشكىمدى كورىپ تۇرعان جوقپىن، - دەيدى دجوردجتاۋن ۋنيۆەرسيتەتىنىڭ جاھاندىق دەنساۋلىق ساقتاۋ پروفەسسورى لوۋرەنس گوستين.
ونىڭ پىكىرىنشە، ا ق ش دۇنيەجۇزىلىك دەنساۋلىق ساقتاۋ ۇيىمىنان شىقسا، ەۋرووداق ەلدەرى قارجىلاندىرۋ ۇلەسىن كوبەيتە قويماس، ال قىتاي كەرىسىنشە، ءوز ىقپالىن ارتتىرۋعا تىرىسۋى مۇمكىن. عالىم د د ۇ ەندى «وتە قيىن كەزەڭدەرگە» تاپ بولاتىنىن اتاپ ءوتتى.
وسىعان دەيىن ترامپ پەن SoftBank ا ق ش- قا 100 ميلليارد دوللار ينۆەستيتسيا قۇياتىنى تۋرالى حابارلادىق.
