ترامپ بايدەندى قۇپيا اقپاراتقا قول جەتكىزۋ قۇقىعىنان ايىردى
استانا. KAZINFORM - ا ق ش پرەزيدەنتى دونالد ترامپ وزىنەن بۇرىنعى پرەزيدەنت دجو بايدەندى قۇپيا اقپاراتقا قول جەتكىزۋ قۇقىعىنان ايىردى، دەپ حابارلايدى BILD.
- دجو بايدەنگە قۇپيا اقپاراتقا قول جەتكىزۋدى جالعاستىرۋدىڭ قاجەتى جوق. «سوندىقتان ءبىز دجو بايدەننىڭ قاۋىپسىزدىك رۇقساتىن دەرەۋ الىپ تاستايمىز جانە ونىڭ كۇندەلىكتى بارلاۋ بريفينگتەرىن توقتاتامىز، - دەپ جازدى اق ءۇي باسشىسى ءوزىنىڭ Truth الەۋمەتتىك جەلىدەگى پاراقشاسىندا.
بايدەن 2021 -جىلى بارلاۋ قاۋىمداستىعىنا ترامپتىڭ ۇلتتىق قاۋىپسىزدىك اقپاراتىنا قول جەتكىزۋىن توقتاتۋعا نۇسقاۋ بەرگەندە «پرەتسەدەنت ورناتتى»، دەدى ول.
پروكۋراتۋرا ەسەبى بايدەننىڭ «ەستە ساقتاۋ قابىلەتى ناشار» ەكەنىن كورسەتتى جانە ونىڭ ەستە ساقتاۋ قابىلەتى جاقسى بولعان كۇندە دە وعان سەنۋگە بولمايدى، دەپ جازدى ترامپ.
- مەن ءارقاشان ۇلتتىق قاۋىپسىزدىگىمىزدى قورعايمىن. دجو، سەن جۇمىستان بوساتىلدىڭ. امەريكانى قايتادان ۇلى ەتەمىز! - دەپ جازدى ا ق ش پرەزيدەنتى.
ا ق ش مەملەكەتتىك حاتشىسى ترامپتىڭ گازانى باسىپ الۋ تۋرالى ۇسىنىسىنان كەيىن تاياۋ شىعىسقا باراتىنىن جازعان بولاتىنبىز.
