ترامپ ازاتتتىق راديوسى جانە امەريكا داۋىسى قاتارلى جەتى فەدەرالدىق اگەنتتىكتە قىسقارتۋ جۇرگىزۋدى بۇيىردى

اق ءۇي سايتىندا جاريالانعان جارلىقتا زاڭعا سايكەس وزدەرىنىڭ جارعىلىق قىزمەتتەرىن اتقارۋدى توقتاتۋ جانە قىزمەتكەرلەر سانى مەن ولاردىڭ قىزمەتتەرىن بارىنشا قىسقارتۋى ءتيىس مەكەمەلەردىڭ ءتىزىمى بەرىلگەن.

ولاردىڭ اراسىندا «ازات ەۋروپا/ازاتتتىق راديوسى جانە امەريكا داۋىسىن» قوسا العاندا بەس امەريكالىق مەديا-كورپوراتسيانى ۇيلەستىرەتىن ا ق ش-تىڭ جاھاندىق مەديا جونىندەگى اگەنتتىگى (USAGM) بار.

سونىمەن قاتار تىزىمگە مۋزەي جانە كىتاپحانالاردى باسقارۋ قىزمەتى، ازشىلىقتار بيزنەسىن دامىتۋ اگەنتتىگى، ا ق ش-تىڭ باسپاناسىزدىقپەن كۇرەس جونىندەگى ۆەدومستۆوارالىق كەڭەسى جانە باسقالار كىرگەن.

ترامپ جارلىعىندا قۇجات جاريالانعان كۇننەن، ياعني 21-ناۋرىزدان باستاپ، جەتى كۇن ىشىندە اگەنتتىكتىڭ باسشىلارى مەنەدجمەنت جانە بيۋدجەت جونىندەگى باسقارماعا جارلىقتىڭ قىسقارتۋ مەن بيۋدجەتتى قايتا قۇرىلىمداۋ جونىندەگى تالاپتارىنىڭ تولىق ورىندالعانىن راستايتىن ەسەپ ۇسىنۋى كەرەك.

جۋرناليستەردى قورعاۋ كوميتەتى ا ق ش كونگرەسىنىڭ باسشىلىعىن USAGM-دى ترامپتىڭ جارلىعىنىڭ سالدارىنان قورعاۋ ءۇشىن شارا قولدانۋعا شاقىردى.

USAGM بولسا 49 تىلدە جۇمىس ىستەيتىن حابار تاراتۋ كومپانيالارىنىڭ جۇمىسىن ۇيلەستىرەدى. ال ولاردىڭ بارلىعىنىڭ اپتالىق اۋديتورياسى 361 ميلليون ادامدى قۇرايدى. ونىڭ بيۋدجەتىنە 2025 -جىلى 950 ميلليون دوللار قاجەت بولدى.

وسىعان دەيىن ا ق ش USAID-تى نەگە تاراتقالى جاتقانى تۋرالى ساراپتاما جاريالاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى