ترامپ اق ۇيدە مۇسىلمان قاۋىمىنا اۋىزاشار بەردى

ا ق ش پرەزيدەنتى دونالد ترامپ امەريكالىق مۇسىلمان قاۋىمىنىڭ وكىلدەرى مەن بىرنەشە مۇسىلمان ەلدەرىنىڭ ديپلوماتتارى ءۇشىن اۋىزاشار ۇيىمداستىردى. بۇل ترامپتىڭ ەكىنشى پرەزيدەنتتىك مەرزىمىندەگى العاشقى شاراسى.

مەملەكەت باسشىسى شاراداعى ءسوزىن «رامازان ايى قۇتتى بولسىن» دەپ باستادى. امەريكا باسشىسى 2024 -جىلى قاراشادا وتكەن پرەزيدەنتتىك سايلاۋدا ا ق ش- تاعى مۇسىلمانداردان العان قولداۋعا وتە ريزا ەكەنىن اتاپ ءوتتى.

ترامپ سونىمەن قاتار شاراعا ساۋد ارابياسى، مىسىر، ب ا ءا، كاتار، ليۆان، پاكىستان جانە باسقا ەلدەردىڭ وكىلدەرى قاتىسىپ جاتقانىن ايتتى.

- مەن 2024 -جىلعى پرەزيدەنتتىك سايلاۋدا رەكوردتىق قولداۋ كورسەتكەن جۇزدەگەن مىڭ مۇسىلمان امەريكاندىقتارعا ەرەكشە العىس ايتقىم كەلەدى. بۇل كەرەمەت بولدى، - دەدى ا ق ش پرەزيدەنتى.

ترامپ اق ءۇي اكىمشىلىگىنىڭ مۇسىلمان قاۋىمىنا بەرگەن ۋادەسىن ورىندايتىنىنا سەندىردى.

- ءبىز ىبىرايىمنىڭ تاريحي كەلىسىمدەرىنە نەگىزدەلگەن تاياۋ شىعىستا ۇزاق مەرزىمدى بەيبىتشىلىك ورناتۋ ءۇشىن ۇزدىكسىز ديپلوماتيالىق جۇمىسپەن اينالىسامىز، - دەدى مەملەكەت باسشىسى.

مەملەكەت باسشىسى ميچيگاندا تۇراتىن مۇسىلماندارعا ەرەكشە العىسىن ءبىلدىردى.

- مەن قانشالىقتى پرەزيدەنت بولىپ قالا بەرگەنىمشە، سىزدەرمەن بىرگە بولامىن. مەن سىزدەردى قولدايمىن. وسىنى بىلگەندەرىڭىزدى قالايمىن، - دەدى پرەزيدەنت.

ا ق ش كوشباسشىسى بۇدان دا جارقىن ءارى ءۇمىتتى بولاشاققا قول جەتكىزۋ ءۇشىن مۇسىلماندارمەن جۇمىس ىستەۋدى اسىعا كۇتەتىنىن ايتتى.

بۇعان دەيىن حابارلانعانداي، ترامپ كولىك يمپورتىنا %25 باج سالىعىن ەنگىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى