ترامپ اكىمشىلىگى كليماتتىق زەرتتەۋلەرگە بولىنەتىن قارجىنى قىسقارتتى
استانا. KAZINFORM - ا ق ش پرەزيدەنتى دونالد ترامپتىڭ اكىمشىلىگى پرينستون ۋنيۆەرسيتەتىندەگى كليماتتىڭ وزگەرۋىن زەرتتەۋگە بولىنەتىن فەدەرالدى قارجىلاندىرۋدى شامامەن 4 ميلليون دوللارعا قىسقارتقانىن جاريالادى، دەپ حابارلايدى The New York Times.
ساۋدا مينيسترلىگىنىڭ مالىمدەۋىنشە، بۇل باعدارلاما «اسىرىلعان جانە شىندىققا جاتپايتىن كليماتتىق قاۋىپتەردى ىلگەرىلەتەدى» جانە امەريكالىق جاستار اراسىندا «كليماتقا بايلانىستى الاڭداۋشىلىقتى» ارتتىرادى. ۆەدومستۆو سونىمەن قاتار بالاباقشا تاربيەلەنۋشىلەرىنەن باستاپ مەكتەپتەگى جوعارى سىنىپ وقۋشىلارىنا ءبىلىم بەرۋ باعدارلامالارىن قارجىلاندىرۋدى توقتاتاتىنىن مالىمدەدى.
بۇدان باسقا، پريستونداعى «جاھاندىق جىلىنۋ سالدارىنان جەردەگى سۋدىڭ قولجەتىمدىلىگى قالاي وزگەرەدى» جانە «جاۋىن- شاشىن مەن تەڭىز دەڭگەيى سيپاتىنداعى وزگەرىستەر جاعالاۋداعى سۋ تاسقىنىنا قالاي اسەر ەتۋى مۇمكىن» تاقىرىپتارىندا ەكى بەس جىلدىق زەرتتەۋىن قارجىلاندىرۋ توقتاتىلادى.
- مۇنداي قويىلىمداردى قولداۋ ءۇشىن فەدەرالدى قاراجاتتى پايدالانۋ اكىمشىلىك باسىمدىقتارىنا سايكەس كەلمەيدى. بۇل ۋاقىت پەن رەسۋرستاردى باسقا ماقساتتارعا پايدالانۋعا جاقسىراق بولار ەدى، - دەپ مالىمدەدى مينيسترلىك.
ساۋدا مينيسترلىگىنىڭ باعدارلامالاردى قىسقارتۋ تۋرالى مالىمدەمەسى فەدەرالدى اگەنتتىكتەر، سونىڭ ىشىندە NASA جانە ەنەرگەتيكا مينيسترلىگى وتكەن اپتادا پرينستون ۋنيۆەرسيتەتىندە ونداعان عىلىمي گرانتتى توقتاتاتىنىن جاريالاعاننان كەيىن جاسالدى.
بۇعان دەيىن ا ق ش گارۆارد- قا بولىنەتىن 2,2 ميلليارد دوللار مەملەكەتتىك قارجىلاندىرۋدى توقتاتاتىنىن جازعان بولاتىنبىز.
