ترامپ ا ق ش ساۋدا كوميسسياسىنىڭ ءتوراعاسىن تاعايىندادى

سونىمەن قاتار، اقۇيدە باسقا دا ءبىرقاتار تاعايىنداۋ بولدى.

- ەندريۋدىڭ ۇلكەن تەحنولوگيالىق كومپانيالاردىڭ سەنزۋراسىنا قارسى تۇرۋدا جانە ءبىزدىڭ ۇلى ەلىمىزدە ءسوز بوستاندىعىن قورعاۋ تاجىريبەسى بار. ەندريۋ ەل تاريحىنداعى فەدەرالدىق ساۋدا كوميسسياسىنىڭ ءتوراعاسى رەتىندە امەريكا مەن يننوۆاتسيانىڭ ەڭ ادال قولداۋشىسى بولادى، - دەپ جازدى دونالد ترامپ Truth Social-دا.

فەدەرالدىق ساۋدا كوميسسياسىنىڭ بەس كوميسسارىنىڭ ءبىرى ەندريۋ فەرگيۋسون ميللياردتاعان دوللارعا كورپوراتيۆتىك باسىپ الۋدى بۇعاتتاعان جانە Amazon مەن Meta-نى باسەكەلەستىككە قارسى ارەكەت جاسادى دەپ ايىپتاپ، سوتقا بەرگەن لينا حاندى اۋىستىرادى.

توم بارراك تۇركياداعى ەلشى لاۋازىمىنا كانديدات رەتىندە تاڭدالدى. باي قارجىگەر بارراك دونالد ترامپپەن 1980-جىلدارى ايگىلى «Plaza» قوناق ءۇيىن ساتىپ الۋعا كەلىسسوزدەر جۇرگىزۋگە كومەكتەسۋ كەزىندە تانىسقانى بەلگىلى.

رون دجونسون مەكسيكاداعى ەلشى قىزمەتىنە ۇسىنىلدى. ول بۇرىن ترامپتىڭ ءبىرىنشى اكىمشىلىگى كەزىندە سالۆادورداعى ەلشى قىزمەتىن اتقارعان. سونداي-اق، رون دجونسون ا ق ش ارمياسىنىڭ بۇرىنعى ارداگەرى جانە ورتالىق بارلاۋ باسقارماسىندا جۇمىس ىستەگەن.

كيمبەرلي گيلفويل گرەكياداعى ەلشى بولادى. كاليفورنيانىڭ بۇرىنعى پروكۋرورى جانە تەلەجۇرگىزۋشى ترامپتىڭ 2020-جىلعى ناۋقانىنا قاراجات جيناۋدى باسقاردى، سونىمەن قاتار 2020-جىلى كىشى دونالد ترامپقا تۇرمىسقا شىقتى. ترامپ ونى «جاقىن دوس جانە وداقتاس» دەپ اتاپ، «ونى جوعارى دارەجەدە بىلىكتى ەتەتىن وتكىر ينتەللەكتىن» باعالادى. بۇل رەتتە گيلفويل سايلاۋ كۇنى ترامپ وتباسىمەن بىرگە ساحنادا تۇرعانىن اتاپ ءوتۋ كەرەك.

- مەن كيمبەرليدى ماقتان تۇتامىن. ول امەريكانى جاقسى كورەدى جانە ەلگە ءارقاشان ەلشى رەتىندە قىزمەت ەتكىسى كەلدى. ول «America First» ءۇشىن كەرەمەت كوشباسشى بولادى، - دەپ جازدى كىشى دونالد ترامپ.

سونداي-اق، دونالد ترامپ سەيسەنبىدە دجەيكوب حەلبەرگتى مەملەكەتتىك حاتشىنىڭ ەكونوميكالىق ءوسۋ، ەنەرگەتيكا جانە قورشاعان ورتا جونىندەگى ورىنباسارى، ال دەن بيشوپتى اكىمشىلىك-بيۋجەت باسقارماسى ديرەكتورىنىڭ ورىنباسارى ەتىپ تاعايىنداعانىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى