ترامپ ا ق ش باس شتابىنىڭ باسشىسىن قىزمەتىنەن بوساتتى
استانا. KAZINFORM - ترامپ ا ق ش قارۋلى كۇشتەرىنىڭ شتاب باستىقتارى بىرىككەن كوميتەتىنىڭ ءتوراعاسىن قىزمەتىنەن بوساتتى، دەپ حابارلايدى سينحۋا اقپارات اگەنتتىگى.
ا ق ش پرەزيدەنتى دونالد ترامپ جۇما كۇنى ا ق ش قارۋلى كۇشتەرىنىڭ شتاب باستىقتارى بىرىككەن كوميتەتىنىڭ ءتوراعاسى، اسكەري-اۋە كۇشتەرىنىڭ گەنەرالى چارلز براۋندى جۇمىستان بوساتىپ، بۇل قىزمەتكە اسكەري-اۋە كۇشتەرى گەنەرال-لەيتەنانتى دەن كەيندى ۇسىناتىنىن مالىمدەدى.
بۇعان دەيىن ا ق ش سەناتى گوۆارد ليۋتنيكتى ساۋدا ءمينيسترى ەتىپ بەكىتتى. «Cantor Fitzgerald» قارجىلىق قىزمەت كورسەتۋ كومپانياسىنىڭ بۇرىنعى باس ديرەكتورى ليۋتنيك ترامپ كابينەتىنىڭ 17- راستالعان مۇشەسى بولدى. ول ساۋدا مينيسترلىگى ساناق بيۋروسىن، ۇلتتىق مەتەورولوگيالىق قىزمەتىن، پاتەنت جانە تاۋار بەلىلەرى كەڭسەسىن، ۇلتتىق مۇحيتتىق جانە اتموسفەرالىق باسقارمانى، ەكونوميكالىق تالداۋ بيۋروسىن جانە ۇلتتىق ازشىلىق بيزنەسىن دامىتۋ اگەنتتىگىن باسقارادى.
اۆتور
زارينا تۋعانبايەۆا
