تەڭگەنىڭ الداعى ديناميكاسى قانداي جاعدايلارعا بايلانىستى بولماق

- قاراشادا تەڭگەنىڭ ايىرباس باعامى ءبىرقاتار فاكتورعا بايلانىستى 1 دوللار ءۇشىن 512,52 تەڭگەگە دەيىن، ياعني، 5 پايىزعا السىرەدى. دوللاردىڭ جاھاندىق نىعايۋى شيكىزاتتىق تاۋارلار بازاسىنىڭ وزگەرۋى جانە گەوساياسي جاعدايدىڭ شيەلەنىسۋى اياسىندا الەمدە دامۋشى نارىقتار ۆاليۋتالارىنىڭ السىرەۋى بايقالدى. ەلىمىزدىڭ نەگىزگى ساۋدا سەرىكتەستەرىنىڭ ءبىرى - رەسەيدىڭ قارجى سەكتورىنا قارسى جاڭا سانكتسيالاردىڭ ەنگىزىلۋىنەن رۋبلدىڭ السىرەۋى جەدەلدەدى. ىشكى ۆاليۋتا نارىعىندا ەكونوميكالىق اگەنتتەردىڭ شەتەل ۆاليۋتاسىنا سۇرانىسىنىڭ ارتۋى جانە ۇسىنىستىڭ ازايۋى، سونىمەن قاتار ايىرباس باعامىنىڭ پسيحولوگيالىق دەڭگەيىنەن اسىپ كەتۋى بولدى، - دەدى تيمۋر سۇلەيمەنوۆ.

ونىڭ اتاپ وتۋىنشە، ءبىرقاتار فاكتوردىڭ ناشارلاۋىنا بايلانىستى تۇراقسىزدىقتى بولدىرماۋ، ايىرباستاۋ باعامىنىڭ شامادان تىس قۇبىلمالىعىن رەتتەۋ جانە شەتەل ۆاليۋتاسىنىڭ ۇسىنىسىن قامتاماسىز ەتۋ ماقساتىندا قاراشا ايىنىڭ 15-28 -كۇندەرى ارالىعىندا ۇلتتىق بانك ۆاليۋتالىق ينتەرۆەنتسيالار وتكىزدى.

- تەڭگەنىڭ مۇنان كەيىنگى ديناميكاسى تولەم بالانسىنا، نارىققا قاتىسۋشىلاردىڭ كۇتۋلەرىنە، الەمدىك نارىقتارداعى جاعدايعا جانە گەوساياسي جاعدايدىڭ وزگەرۋىنە بايلانىستى بولادى. ۇلتتىق بانك تەڭگەرىمسىزدىكتى بولدىرمايتىن يكەمدى باعام بەلگىلەۋ رەجيمىن ۇستاناتىن بولادى، - دەدى ول.

مارلان جيەمباي

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى