ۆەتنامنىڭ جاڭا پرەزيدەنتى تۋرالى نە بەلگىلى

تو لامدى ۆەتنام پرەزيدەنتى ەتىپ سايلاۋ تۋرالى قاراردى وتىرىسقا قاتىسقان ۇلتتىق جينالىستىڭ 473 دەپۋتاتىنىڭ 472- ءسى قولدادى.

ساياساتكەردىڭ ەل پرەزيدەنتى لاۋازىمىنا كانديداتۋراسىن ۆەتنام كوممۋنيستىك پارتياسى و ك 16-18-مامىردا حانويدا وتكەن كەزەكتى پلەنۋمدا ماقۇلدادى.

21 -مامىردا ۇلتتىق اسسامبلەيا ۆەتنام پرەزيدەنتى بولىپ سايلانۋ ءۇشىن گەنەرال تو لامدى قوعامدىق قاۋىپسىزدىك ءمينيسترى قىزمەتىنەن بوساتتى.

مەملەكەت باسشىسى لاۋازىمى وسى جىلدىڭ ناۋرىز ايىندا ۆەتنام سوتسياليستىك رەسپۋبليكاسى ۇلتتىق جينالىسىنىڭ بەكىتىلگەن قارارىنا سايكەس ونى اتقارعان ۆو ۆان تحىونگ ەل پرەزيدەنتى قىزمەتىنەن بوساتىلعاننان كەيىن بوس قالدى.

تو لام 1957 -جىلى شىلدەدە ۆەتنامنىڭ سولتۇستىگىندەگى حىنگيەن پروۆينتسياسىندا دۇنيەگە كەلگەن. 1974-1979 -جىلدارى حالىق قاۋىپسىزدىگى اكادەمياسىنىڭ ستۋدەنتى بولدى. 1981 -جىلى ۆەتنام كوممۋنيستىك پارتياسى قاتارىنا قابىلداندى.

اكادەميانى بىتىرگەننەن كەيىن تو لام قوعامدىق ەڭبەك جولىن قوعامدىق قاۋىپسىزدىك مينيسترلىگىندە باستادى. ءار جىلدارى ماسكەۋ پروكۋراتۋراسىنىڭ قۇرىلىمىندا ءتۇرلى باسشىلىق قىزمەتتەردى اتقاردى. 2007 -جىلى وعان گەنەرال- مايور شەنى بەرىلىپ، 2016 -جىلى مينيستر لاۋازىمىنا كىرىستى.

تو لام - 12 جانە 13- شاقىرىلىمداعى ۆ ك پ ورتالىق كوميتەتىنىڭ مۇشەسى، 11، 12 جانە 13- شاقىرىلىمداعى ۆ ك پ ورتالىق كوميتەتى ساياسي بيۋروسىنىڭ مۇشەسى، 14 جانە 15- ۇلتتىق جينالىستىڭ دەپۋتاتى. ول سونداي-اق سىبايلاس جەمقورلىققا قارسى ءىس-قيمىل جونىندەگى ورتالىق باسقارۋ كوميتەتى ءتوراعاسىنىڭ ورىنباسارى، ۇلتتىق قورعانىس جانە قاۋىپسىزدىك كەڭەسىنىڭ مۇشەسى، سوت رەفورماسى جونىندەگى ورتالىق باسقارۋ كوميتەتىنىڭ مۇشەسى.

ەسكە سالا كەتسەك، ۆەتنامنىڭ ۇلتتىق جينالىسى (ءبىر پالاتالى پارلامەنت) سارسەنبى كۇنى ۆەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى تو لامدى ەلدىڭ جاڭا پرەزيدەنتى ەتىپ سايلادى. ونىڭ وكىلەتتىك مەرزىمى 2026 -جىلعا دەيىن جالعاسادى.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى