تەمىرجولدى كەسىپ وتپەك بولعان ەر ادامدى پويىز باسىپ كەتتى
استانا. قازاقپارات - 28- اقپان كۇنى ساعات 21:46 دا بورانقۇل ستانتسياسىندا وقىس وقيعا بولىپ، پويىز ەر ادامدى باسىپ كەتتى. بۇل تۋرالى «قازاقستان تەمىر جولى» ا ق باسپا ءسوز قىزمەتى ءمالىم ەتتى.
وسىعان وراي ق ت ج تەمىر جول بويىندا قاۋپسىزدىك ەرەجەسىن ساقتاۋدى سۇرايدى.
- تەمىرجولدى بەلگىلەنبەگەن ورىننان كەسىپ وتپەك بولعان ادامنىڭ ارەكەتى وسىنداي قايعىلى وقيعاعا سەبەپ بولدى. ەر ادام بەينەۋ اۋداندىق اۋرۋحاناسىنا جەتكىزىلدى. وقيعا تۋرالى اقپارات ماڭعىستاۋ جەلىلىك پوليسيا بولىمشەسىنە جەتكىزىلدى، - دەلىنگەن حابارلامادا.
ق ت ج تەمىر جول - قاۋىپتىلىگى جوعارى ايماققا جاتاتىنىن ەسكەرتەدى. بىلتىر جاياۋ جۇرگىنشىنى پويىز باسىپ كەتۋدىڭ 75 وقيعاسى تىركەلگەن. نەگىزىگى سەبەپ - تەمىر جول وتكەلدەرىن كەسىپ ءوتۋ ەرەجەسىنىڭ بۇزىلۋى، ماس كۇيدە بولۋ نەمەسە قۇلاققاپ كيىپ ءوتۋ، سۋيتسيد.
جاياۋ جۇرگىنشىلەرگە كەلەسىدەي ەرەجەلەردى ساقتاۋ ەسكەرتىلدى:
- تەمىرجولدى تەك قانا بەلگىلەنگەن ورىننان كەسىپ ءوتۋ؛
- وتە ساق بول؛
- قۇلاققاپ پايدالانباۋ، تەمىر جولعا جاقىن ماڭايدا گادجەتكە الاڭداماۋ.
ەرەجەنى ۇستانۋ تراگەديادان ساقتانۋعا كومەكتەسەدى.
بۇعان دەيىن حابارلانعانداي، جامبىل وبلىسىندا ەكى تەمىرجولشىنى پويىز باسىپ كەتكەن ەدى.
