تەمىرجولدا جۇك تاسىمالداۋ تاريفتەرى قايتا قارالا ما

- 2022 -جىلعى 5-شىلدەدەگى جاڭا گەوساياسي جاعدايلاردا قازاقستاننىڭ كولىك-ترانزيت الەۋەتىن دامىتۋ ماسەلەلەرى تۋرالى كەڭەستىڭ قورىتىندىسى بويىنشا مەملەكەت باسشىسى ق ت ج بورىشتىق جۇكتەمەسىن تومەندەتۋ، ونىڭ ىشىندە تاريفتىك ساياساتتى جەتىلدىرۋ جولىمەن شارالار ازىرلەۋدى تاپسىردى.

سونىمەن بىرگە، قازاقستان پرەزيدەنتىنىڭ 2024 -جىلعى 25 -قىركۇيەكتەگى № 658 جارلىعىمەن بەكىتىلگەن مەملەكەت باسشىسىنىڭ 2024 -جىلعى 2- قىركۇيەكتەگى «ءادىل قازاقستان: زاڭ جانە ءتارتىپ، ەكونوميكالىق ءوسۋ، قوعامدىق وپتيميزم» اتتى جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارىنىڭ 31-تارماعىندا تەمىرجول كولىگىنىڭ رەتتەلەتىن تاريف قىزمەتتەرىن 2024 -2026 -جىلدار ارالىعىندا %24 ءوسىرۋ تاپسىرىلعان. جوعارىدا كورسەتىلگەن تاپسىرمانىڭ اياسىندا 2024 -جىلى رەتتەلەتىن تاريفتەر 24 پايىزعا كوتەرىلدى. الداعى ۋاقىتتا، ياعني بيىل جانە 2026 -جىلى وسى باعىتتا جۇمىستار جالعاسادى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ەسكە سالساق، 2024 -جىلدىڭ باسىندا كولىك ءمينيسترى مارات قارابايەۆ ەلىمىزدە تاسىمالداناتىن جۇكتەردىڭ باسىم بولىگى ءوزىن ءوزى اقتامايتىنىن ءمالىم ەتتى.

سوندىقتان تەمىرجول كولىگىمەن جۇك تاسىمالداۋ تاريفى سارالاناتىنى ايتىلدى.

بۇدان بۇرىن حابارلانعانداي، تەمىرجولمەن جۇك تاسىمالىن ارتتىرۋ باعىتىندا 4 ءىرى جوبا جاسالىپ جاتىر.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى