Time جۋرنالى دونالد ترامپتى جىل ادامى اتاعىنا لايىق كوردى
استانا. قازاقپارات - Time جۋرنالىنىڭ نۇسقاسى بويىنشا جىل ادامى اتاعى ا ق ش- تىڭ جاڭادان سايلانعان پرەزيدەنتى دونالد ترامپقا بۇيىردى. شورت- پاراققا ودان باسقا يلون ماسك، كەيت ميددلتون جانە يۋليا ناۆالنايا كىردى، دەپ حابارلايدى BBC.
- Time رەداكتورلارى 97 جىل بويى جىل ادامىن تاڭداپ كەلەدى: بۇل سوڭعى 12 ايدا الەمگە ىقپال ەتە بىلگەن، تاقىرىبىمەن كوپتىڭ نازارىن اۋدارا بىلگەن ادامدار. كوپتەگەن جىلدار بويى ۇزدىكتەردى تاڭداۋ وڭاي بولعان جوق. 2024 -جىلى تاڭداۋ قيىنعا تۇسكەن جوق، - دەپ ءتۇسىندىردى جۋرنالدىڭ باس رەداكتورى سەم دجەيكوبس.
باس رەداكتوردىڭ ايتۋىنشا، پوپۋليزمنىڭ قايتا وركەندەۋىن، وتكەن عاسىردى انىقتاعان ينستيتۋتتارعا سەنىمسىزدىكتىڭ تارالۋىن جانە ليبەرالدىق قۇندىلىقتار ادامداردىڭ كوپشىلىگىنىڭ ءومىرىن جاقسارتادى دەگەن سەنىمنىڭ جويىلعانىن بايقاۋعا بولادى.
- ترامپ بۇل پروتسەستىڭ اگەنتى ءارى بەنەفيتسيارى دەۋگە تولىق نەگىز بار، - دەپ جازدى دجەيكوبس.
ترامپتىڭ ا ق ش- تاعى پرەزيدەنتتىك سايلاۋداعى جەڭىسىن كوپ جاعىنان تاريحي دەپ اتاۋعا بولادى، دەپ جازدى Time كانديداتتاردىڭ قىسقاشا ءتىزىمىن تانىستىرۋ كەزىندە.
ول ەل تاريحىنداعى ەڭ قارت پرەزيدەنت جانە قىلمىستىق ءىس بويىنشا كىنالى دەپ تانىلعان ا ق ش- تىڭ جالعىز باسشىسى بولماق.
ترامپ ا ق ش- تاعى پرەزيدەنتتىك سايلاۋدا العاش رەت جەڭىسكە جەتكەن 2016 -جىلى Time جۋرنالىنىڭ جىل ادامى اتاندى.
ترامپتىڭ جىل ادامى اتاناتىنىن بۇعان دەيىن CNN جانە Associated Press اقپارات كوزدەرىنە سىلتەمە جاساي وتىرىپ حابارلاعان.
