«تازا قالا» - پرەزيدەنت تەلەراديوكەشەنىنىڭ جاڭا جوباسى
استانا. KAZINFORM - پرەزيدەنت قاسىم- جومارت توقايەۆتىڭ «تازا قازاقستان» باستاماسى اياسىندا «تازا قالا» اۋقىمدى تەلەجوباسى ازىرلەنىپ جاتىر.
ءتۇسىرىلىم توبى قازاقستاننىڭ ءىرى جانە شاعىن قالالارىنا بارادى جانە ءارقايسىسىنىڭ تازالىعى مەن كوركى تۋرالى اڭگىمەلەيدى. جۋرناليستەر جەرگىلىكتى تۇرعىندارمەن كەزدەسەدى، كوممۋنالدىق قىزمەتتەردىڭ جۇمىسىن كورەدى، قوعامدىق بىرلەستىكتەر وكىلدەرىمەن، ايماقتىڭ ەكولوگيالىق ومىرىنە بەلسەندى قاتىساتىن بارلىق ەرىكتىلەرمەن تانىسادى.
«تازا قالا» جوباسىنىڭ ءار شىعارىلىمىندا تىلشىلەر جەرگىلىكتى بيلىك وكىلدەرىمەن سۇحباتتاسىپ، تاۋەلسىز ەكولوگ-ساراپشىلارمەن بىرگە ءوز باعالارىن بەرەدى. بۇل ەلدى مەكەندەر مەن جالپى وڭىرلەردىڭ سانيتارلىق تازالىق، ەكولوگيالىق تازالىق، اباتتاندىرۋ بويىنشا وبەكتيۆتى رەيتينگىن جاساۋعا مۇمكىندىك بەرەدى.
«تازا قالا» تەلەجوباسىنىڭ ءتۇسىرىلىمى تاراز، شىمكەنت، تۇركىستان، قىزىلوردا قالالارىنان باستالدى. باعدارلاما شىعارىلىمدارى «Jibek Joly» تەلەارناسىنىڭ ەفيرىنەن كورسەتىلەدى، ال Kazinform اگەنتتىگىنىڭ سايتىندا فوتو جانە ۆيدەورەپورتاجدار سەرياسى شىعادى.
كورەرمەندەرىمىزدى قازاقستان قالالارىنىڭ تازالىق رەيتينگىن جاساۋ ءۇشىن «تازا قالا» ەكولوگيالىق جوبا شىعارىلىمدارىن كورۋگە شاقىرامىز. راسىندا دا، ءارقايسىسىمىزدىڭ ارتىمىزدا كۇندەلىكتى كۇتىمدى، ۇقىپتىلىقتى جانە ونى ۇنەمى بەزەندىرۋگە تىرىسۋدى قاجەت ەتەتىن تۋعان قالامىز تۇر. اۋلاداعى، كوشەدەگى، اۋدانداعى تازالىق - تۇتاس ەلدەگى تازالىق.
