تايلاندتا قۇلدىقتا بولعان ەكى قازاقستاندىق ەلگە كەلە جاتىر
استانا. KAZINFORM - تايلاندقا جۇمىس ىستەۋگە بارىپ، قۇلدىققا تۇسكەن ەكى وتانداسىمىز (ايەلدەر) ەلگە ورالۋدا. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى.
«بيىل قاڭتاردا مەن قازاقستاننىڭ ازاماتىمىن، دجۋنگليدىڭ ىشىندەمىن، قايدا ەكەنىمدى بىلمەيمىن دەپ كومەك سۇراعان حابارلاما ءتۇستى. ازامات ەڭبەك قۇلدىعىنا تۇسكەنىن ايتىپ، بىزدەن كومەك سۇرادى. انىقتالعانداي، ءبىزدىڭ ەكى ازاماتىمىز «التىن ءۇشبۇرىش» اۋماعىندا الدانعان. ەڭ قىزىعى، ەكەۋىنىڭ دە جوعارى ءبىلىمى بار جانە بىرنەشە ءتىل بىلەدى»، - دەدى ايبەك سمادياروۆ ۆەدومستۆودا وتكەن باسپا ءسوز ءماسليحاتىندا.
ونىڭ ايتۋىنشا، ەكى وتانداسىمىز تايلاندقا جۇمىس ىستەۋگە بارعان.
«قۇلدىققا تۇسكەن ەكى قازاقستاندىقتىڭ ءارقايسىسىنان 10 مىڭ دوللار تالاپ ەتكەن. جەرگىلىكتى بيلىكپەن كەلىسىمگە كەلىپ، ءبىر اي دەگەندە ەكى ازاماتىمىزدى قۇتقاردىق. قازىر ولار قازاقستانعا ۇشاقپەن كەلە جاتىر»، - دەيدى ول.
بۇعان دەيىن س ءى م وكىلى سوڭعى ەكى جىلدا تايلاندپەن شەكارالاس ميانما جانە لاوس اۋماقتارىندا 200 گە جۋىق قازاقستان ازاماتىنىڭ ەڭبەك قۇلدىعىنا تۇسكەنى تۋرالى مالىمدەگەن ەدى.
