تايلاند پەن ميانمادا الاپات جەر سىلكىنىسى بولدى
استانا. قازاقپارات- ميانمانىڭ ورتالىق ايماعىندا الاپات جەر سىلكنىسى بولدى. ونىڭ قۋاتى 7,7 بالعا جەتكەن. ءبىرىنشى دۋمپۋدەن كەيىن 12 مينۋت وتكەن سوڭ ءزىلزالا 6,4 بالدىق كۇشپەن قايتالانعان.
تايلاند استاناسىندا 7,7 بالدىق كۇشتى جەر سىلكىنىسىنەن كەيىن عيماراتتار سىلكىنىپ، ادامداردى ەۆاكۋاتسيالاۋ جاريالاندى.
ا ق ش- تىڭ گەولوگيالىق قىزمەتى مەن نەمىس گەوعىلىمي ورتالىعى GFZ حابارلاۋىنشا، جەر سىلكىنىسىنىڭ وشاعى ميانمادا، تايلاندتىڭ راتچابۋري پروۆينتسياسىنا جاقىن جەردە، 10 شاقىرىم تەرەڭدىكتە بولعان.
بانگكوك اۋدانىندا 17 ميلليوننان استام ادام بار ولاردىڭ كوپشىلىگى كوپقاباتتى ۇيلەردە تۇرادى. سالىنىپ جاتقان كوپقاباتتى عيماراتتاردىڭ ءبىرى وپىرىلىپ قۇلاعان.
دابىل ساعات 13:30-دا قاعىلدى. زارەسى ۇشقان تۇرعىندار مەگاپوليستىڭ حالىق تىعىز ورنالاسقان ورتالىعىنداعى كوپقاباتتى كوندومينيۋمدار مەن قوناقۇيلەردىڭ باسپالداقتارىمەن ەۆاكۋاتسيالاندى.
زارداپ شەككەندەر تۋرالى مالىمەت تۇسكەن جوق.
جەر سىلكىنىسى سالدارىنان كوپقاباتتى ۇيلەردىڭ توبەسىندە ورنالاسقان باسسەيندەردەن سۋ كوشەلەرگە اتقىلاعان.
ەسكە سالا كەتسەك، ميانمادا 7,9 بالدىق جەر سىلكىنىسى تىركەلدى.
بۇعان دەيىن الماتىدان 323 شاقىرىم جەردە جەر سىلكىنىسى تىركەلگەنىن جازعان بولاتىنبىز.
ەسەپتەلگەن قارقىندىلىق (بالمەن) بولدى:
مەركى اۋىلى - 5.0 بال
قۇلان اۋىلى - 4.0 بال
شۋ قالاسى - 2.0 بال
تولە بي اۋىلى - 2.0 بال
سارىكەمەر اۋىلى - 2.0 بال
تاراز قالاسى - 2.0 بال
قورداي اۋىلى - 2.0 بال
اسا اۋىلى - 2.0 بال
مويىنقۇم اۋىلى - 2.0 بال
تۇرار رىسقۇلوۆ اۋدانى قاراقىستاق اۋىلىنداعى مادەنيەت ءۇيى، مەركى اۋداندىق اۋرۋحاناسى، ويتال اۋىلىنداعى مەكتەپ عيماراتىنىڭ قابىرعاسىندا جارىقشاق پايدا بولعانى انىقتالدى.
قازىرگى ۋاقىتتا تايلاندتا 4457 قازاقستاندىق تۋريست بار. ق ر ازاماتتارىنىڭ قۇقىقتارىن كەپىلدەندىرۋ جۇيەسىنىڭ اكىمشىسىنە نەمەسە جۇيەگە قاتىسۋشى تۋروپەراتورلارعا ەۆاكۋاتسيالاۋ تۋرالى وتىنىشتەر تۇسكەن جوق.
24.kz
