تايلاند پەن مالايزيا سۋ تاسقىنىنىڭ جاڭا تولقىنىنا دايىندالىپ جاتىر
استانا. KAZINFORM - مالايزيا مەن تايلاند وسى اپتادا كۇتىلەتىن قاتتى جاڭبىر مەن سۋ تاسقىنىنىڭ جاڭا تولقىنىنا دايىندالۋدا. بۇل تۋرالى ەل بيلىگى دۇيسەنبى كۇنى حابارلادى، دەپ جازادى Report اگەنتتىگى Reuters-كە سىلتەمە جاساپ.
بۇعان دەيىنگى بولعان سۋ تاسقىنىنان كەيىن كەيبىر قونىس اۋدارعان تۇرعىندار ۇيلەرىنە قايتا ورالىپ، زارداپ شەككەن ايماقتاردا جاعداي رەتتەلە باستاعانىمەن، بيلىك تابيعي اپاتتاردىڭ جاڭا تولقىنىن كۇتۋدە.
مالايزيادا ەۆاكۋاتسيالىق باسپانالارداعى ادامداردىڭ سانى جەكسەنبىدە 152000 نان 128000 عا دەيىن ازايعانىن حابارلاعان.
جەرگىلىكتى بيلىكتىڭ مالىمدەۋىنشە، ەڭ قاتتى زارداپ شەككەن سولتۇستىك- شىعىس كەلانتان شتاتى 4 -جەلتوقساننان باستاپ تاعى ءبىر توپان سۋعا تاپ بولادى.
تايلاندتىڭ مەتەورولوگيالىق دەپارتامەنتى وڭتۇستىكتەگى تۇرعىندار 3-5 - جەلتوقسان ارالىعىندا قاتتى جاڭبىردان، سونداي- اق سۋ تاسقىنىنان، اسىرەسە تاۋ بوكتەرىندەگى سۋ ارنالارى مەن تاۋلى ايماقتارعا جاقىن جەرلەردەن ساق بولۋ كەرەكتىگىن ايتتى.
ايتا كەتەيىك، وتكەن اپتادا مالايزيا مەن تايلاندتا 27 ادام قازا تاۋىپ، جارتى ميلليوننان استام ءۇي شارۋاشىلىقتارى تولاسسىز جاۋعان جاڭبىر مەن سۋ تاسقىنىنان زارداپ شەكتى.
بيلىك مۇنى سوڭعى ونجىلدىقتا ورىن العان ەڭ جويقىن سۋ تاسقىنى دەپ سانايدى.
ايتا كەتەيىك، يندونەزيادا لاي كوشكىنى مەن سۋ تاسقىنىنان 13 ادام قازا تاپقانى حابارلاندى.
