تايەكۆوندو: باتىرحان تولەۋعالي وليمپيادا ويىندارىنىڭ 1/8 فينالىنا جولداما الدى
استانا. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا باتىرحان تولەۋعالي ىرىكتەۋ اينالىمىن ءساتتى باستاپ، 1/8 فينالعا ءوتتى.
قازاقستاندىق تايەكۆوندوشى ءبىرىنشى كەزدەسۋىندە يسماەل كۋليباليدى قاپى قالدىردى.
1/8 فينالدا وتانداسىمىز ەكى دۇركىن الەم چەمپيونى سيمونە الەسسيومەن كىم مىقتىنى انىقتايدى.
ايتا كەتەيىك، باتىرحان - قازاقستان قۇراماسىنىڭ ساپىندا وليمپياداعا قاتىسىپ جاتقان ەڭ جاس سپورتشى.
ەسكە سالا كەتەيىك، بۇعان دەيىن بۇگىن وليمپيادادا قازاقستاندىق سپورتشىلار قاي ۋاقىتتا سىنعا تۇسەتىنىن حابارلاعان ەدىك.
اۆتور
ابىلايحان جۇماشيەۆ
