تاسقىن قاۋپى جازىقتان كەلەدى دەپ كۇتكەن جوقپىز - ۆيتسە-مينيستر

بريفينگ كەزىندە ب ا ق وكىلى توتەنشە جاعدايلار مينيسترلىگى تاسقىنعا نەگە تاعى دايىن بولماي شىققانىن سۇراعان. باۋىرجان سىزدىقوۆ ءار جاعدايعا دەر كەزىندە دەن قويدىق دەپ ەسەپتەيتىنىن ايتتى.

«11 ءوڭىردىڭ 46 ەلدى مەكەنىندە تاسقىننىڭ الدى الىندى. ءتۇسىنىپ تۇرسىز با؟ سۋ العان باسقا 5 وبلىس تۋرالى ايتساق، بايقاعان بولساڭىزدار، سۋ وزەندەردەن ەمەس جازىقتان كەلىپ جاتىر. شىنىمىزدى ايتساق، سۋ ءبىز كۇتپەگەن جاقتان كەلدى. ياعني، سۋ دالادان كەلدى. بايقاعان بولساڭىز، كەيىنگى 30 جىلدا سۋدىڭ ارتۋى دالادان تۋىنداعان جوق بولاتىن. سوندىقتان بۇگىنگى تاڭدا «تاسقىنعا قارسى دەر كەزىندە دەن قويدىق دەپ ايتا الامىز. 46 ەلدى مەكەندە سۋدىڭ ۇيلەرگە كىرۋىن بولدىرمادىق»، - دەدى ول.

ۆيتسە-ءمينيستردىڭ پىكىرىنشە، جازىقتاعى قار سۋىن تاسقىنعا قارسى دايىندىق كەزىندە ەسەپكە الۋ حالىقارالىق تاجىريبەدە دە جوق.

«مەنى دۇرىس تۇسىنبەگەن شىعارسىز. تاعى دا قايتالاپ ايتقىم كەلەدى، وسىعان دەيىن بولعان تاسقىن جاعدايلارى رەتتەلەتىن وزەندەرمەن بايلانىستى تىركەلدى. ياعني، سۋ قويمالارى مەن گيدروتەحنيكالىق عيماراتتار بار اۋماقتاردا ورىن العان. ال دالادان اعىپ كەلىپ جاتقان سۋدىڭ وزەندەرمەن قاتىسى جوق. ياعني، قاردىڭ سۋى تۇتاستاي دالادان كەلىپ جاتىر. بۇگىنگى تاڭدا دالادان كەلەتىن قاردىڭ سۋى ەشبىر ەلدە ەسكەرىلمەيدى. ءتۇسىنىپ تۇرسىز با؟ وزەندەردەن، سۋ قويمالارىنان، بوگەندەردەن كەلەتىن سۋ عانا ەسكەرىلەدى. وسىنى ءتۇسىنۋ كەرەك»، - دەدى باۋىرجان سىزدىقوۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى