تارازدا ماشينەمدى ورتەدى دەپ وبلىس اكىمىنىڭ ورىنباسارىن ايىپتاعان نۇرلان قاناتوۆ سوتتالدى
سوتتالۋشىعا ادامدى اۋىر قىلمىس جاسادى دەپ ايىپتاۋعا ۇلاسقان كورىنەۋ جالعان ءسوز جەتكىزدى دەگەن ايىپ تاعىلدى. بۇل - قىلمىستىق كودەكستىڭ 419-بابى 3-بولىمىندە كوزدەلگەن قىلمىس، دەپ حابارلايدى قازاقپارات №2-قالالىق سوتقا سىلتەمە جاساپ.
2022 -جىلدىڭ قازان ايىندا سوتتالۋشى نۇرلان قاناتوۆ ءوزىن ساياسي جاعدايدىڭ قۇربانى دەگەن وي قالىپتاستىرۋ ماقساتىندا كولىگىنىڭ ورتەنگەن بەينەجازبالارىن Facebook الەۋمەتتىك جەلىسىنە تاراتقان. سوتتىڭ مالىمەتىنشە، كولىكتى ورتەۋگە ءوزى تاپسىرىس بەرگەن.
سوسىن كولىگىنىڭ ورتەنگەنىن ۇيىمداستىرۋدا وبلىس اكىمىنىڭ ورىنباسارىن ايىپتاپ، ءتيىستى ارىزبەن جامبىل وبلىسى پ د-نا جۇگىنگەن.
بوتەننىڭ مۇلكىن قاساقانا جويۋ فاكتىسى بويىنشا ءىس قوزعالىپ، قىلمىس قۇرامى بولماۋىنا بايلانىستى ءىس قىسقارعان.
وسىلايشا ك. قىلمىس جاسالعانى تۋرالى كورىنەۋ جالعان ءسوز جەتكىزگەن.
سوتتالۋشىنىڭ كىناسى كۋالەردىڭ ايعاقتارىمەن، بەينەجازبالارمەن، ايعاق زاتتار ارقىلى دالەلدەندى.
پروكۋرور سوتتالۋشىنى 5 جىل 4 ايعا باس بوستاندىعىنان ايىرۋدى سۇرادى.
سوتتالۋشى ءوز كىناسىن مويىندامادى.
ق ك 419-ب. 3-ب. سانكسياسىندا 3 جىلدان 8 جىلعا دەيىن مەرزىمگە باس بوستاندىعىنان ايىرۋ جازاسى كوزدەلگەن.
قىلمىستىق جاۋاپكەرشىلىك پەن جازانى جەڭىلدەتەتىن ءمان- جاي رەتىندە ونىڭ كامەلەتكە تولماعان بالالارىنىڭ بار ەكەنى ەسەپكە الىندى.
جازانى اۋىرلاتاتىن ءمان-جاي جوق.
سوتتىڭ ۇكىمىمەن ك. 3 جىل 6 اي مەرزىمگە باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
