تارازدا ۇشاقتا ءتارتىپ بۇزعان شەتەلدىك ازامات 5 تاۋلىككە قاماۋعا الىندى
استانا. KAZINFORM - شەتەلدىك ازامات ۇشاق بورتىندا ءتارتىپ بۇزعانى ءۇشىن 5 تاۋلىككە قاماۋعا الىندى، - دەپ حابارلايدى Polisia.kz.
تاراز قالاسىنىڭ اۋەجايىنا داككا- ۆنۋكوۆا باعىتىنداعى اۋە رەيسى ۇشىپ كەلگەننەن كەيىن جەلىلىك پوليتسيا بولىمشەسىنىڭ قىزمەتكەرلەرى قۇقىق بۇزۋشىنى انىقتاپ، اۋەكومپانيا وكىلدەرىنىڭ اكتىسى بويىنشا رەيستەن ءتۇسىرىپ الدى.
تەكسەرۋ بارىسىندا كولىك پوليتسەيلەرى رەسەي فەدەراتسياسىنىڭ 30 جاستاعى ازاماتىن انىقتادى. ەر ادام ۇشۋ كەزىندە ماس كۇيدە بولىپ، ەكيپاجدىڭ تالاپتارىن ورىنداماعان جانە اۋەاكومپانيا قىزمەتكەرلەرىن بالاعاتتاعان.
سونداي-اق، ول قازاقستان رەسپۋبليكاسىنىڭ زاڭناماسىمەن تىيىم سالۋ بەلگىلەنگەن ورىنداردا تەمەكى شەككەن. رەسەيلىك ازامات الكوگولدىك ىشىمدىكتەردى ىشكەنى نەمەسە قوعامدىق ورىندارعا ماساڭ كۇيىندە كەلگەنى، تەمەكى ونىمدەرىن تۇتىنۋعا تىيىم سالۋدى جانە اۋە كەمەسىندەگى ءتارتىپ ەرەجەلەرىن بۇزعانى ءۇشىن 23 ا ە ك مولشەرىندە ايىپپۇل سالىنا وتىرىپ جانە ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلدى.
سوت شەشىمىمەن شەتەل ازاماتى ۇساق بۇزاقىلىق جاساعانى ءۇشىن 5 تاۋلىككە قاماۋعا الىندى.
