تارازدا 1 ميلليوننان اسا گۇل ەگىلەدى
تاراز. KAZINFORM - بيىل تارازدى كوگالداندىرۋ جۇمىستارىنا كوپ كوڭىل بولىنبەك. قالا اۋماعىندا 12 مىڭ شارشى مەتر گۇلزارعا 1 ميلليوننان استام گۇل ەگۋ جوسپارلانعان. ودان بولەك، 15 مىڭ راۋشان گۇلى ەگىلەدى.
«15 مىڭ راۋشان گۇلىن قالاداعى اباي، تولە بي، سەيفۋللين كوشەلەرىنە، جامبىل داڭعىلىنىڭ بويىنا، ساياباق، سكۆەرلەرگە ەگۋ جوسپارلانىپ وتىر. 627 شارشى مەتر قازاندىقتارىمىز بار. جاسىل جەلەكتەردى كۇتىپ- باپتاۋ ماقساتىندا 22 دانا سۋقۇيعىش ارنايى اۆتوكولىكتەر جۇمىلدىرىلىپ، قوسىمشا 12 سۋ ۇڭعىماسى ورناتىلادى»، - دەيدى «جاسىل ەل- تاراز» ج ش س ديرەكتورىنىڭ ورىنباسارى ايدىن بەيسەكوۆ.
ايتا كەتەيىك، گۇل ەگۋ جۇمىستارى ءساۋىر ايىنىڭ 15 ىنەن باستالادى. بۇگىنگى تاڭدا دايىندىق جۇمىستارى، سونداي- اق بۇرىن ەگىلگەن 30 مىڭعا جۋىق راۋشان گۇلدەرىن اشۋ جۇمىستارى ءجۇرىپ جاتىر.
