تاراز تۇرعىنى چەحياعا جۇمىسقا بارامىن دەپ جارتى ميلليون تەڭگەسىنەن ايىرىلىپ قالدى

تاراز قالالىق پوليتسياسىنا 48 جاستاعى جەرگىلىكتى تۇرعىن ارىزدانىپ، ينتەرنەت الاياقتاردىڭ قۇربانى بولعانىن ايتقان.

«ول Instagram الەۋمەتتىك جەلىسىندە چەحياعا جۇمىسقا ورنالاسۋ تۋرالى حابارلاندىرۋدى كورگەن. ايەل سىلتەمە بويىنشا ءوتىپ، الەۋەتتى «جۇمىس بەرۋشىلەرگە» حابارلاسقاندا، وعان قۇجاتتارى مەن جۇمىسقا رۇقسات الۋ ءۇشىن 500 مىڭ تەڭگە تولەۋ كەرەك ەكەنىن ايتقان. ول اقشانى كورسەتىلگەن ەسەپشوتقا اۋدارعاننان كەيىن "جۇمىس بەرۋشىلەر" ونىمەن بايلانىسىن توقتاتقان»، - دەپ ءتۇسىندىردى جامبىل وبلىستىق پوليتسيا دەپارتامەنتىنىڭ باسپا ءسوز قىزمەتى.

اتالعان فاكتى بويىنشا ق ر قىلمىستىق كودەكسىنىڭ 190-بابى 2-بولىگى «الاياقتىق» بويىنشا سوتقا دەيىنگى تەرگەۋ باستالدى.

جەدەل- ىزدەستىرۋ ءىس-شارالارى بارىسىندا جامبىل وبلىسى پ د «كيبەرپول» ارنايى توبى مەن ەكىنشى قالالىق پوليتسيا ءبولىمىنىڭ قىزمەتكەرلەرى كۇدىكتىنى انىقتاپ، ۇستادى، ول استانا قالاسىنىڭ 27 جاستاعى تۇرعىنى بولىپ شىقتى.

«ەر ادام ءوز كىناسىن تولىق مويىندادى، تەرگەۋ ءجۇرىپ جاتىر»، - دەپ ءتۇسىندىردى پوليتسيا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى