تاراز تۇرعىندارى ساياباقتا جانتۇرشىگەرلىك كورىنىستىڭ كۋاگەرى بولدى
استانا. KAZINFORM - تارازدا قالالىق ساياباقتىڭ ماڭىنان ءوتىپ بارا جاتقان ادامدار دەنەسىندە زورلىق-زومبىلىق بەلگىلەرى بار ەر ادامنىڭ مايىتىن تاپتى.
جۇمىسقا بارا جاتقان ازاماتتار اعاش تۇبىندە جاتقان ەر ادامنىڭ دەنەسىن بايقاعان. جاقىننان قاراعاندا ونىڭ باسى قاتتى جاراقاتتانعانى انىقتالعان.
جامبىل وبلىسى پوليتسيا دەپارتامەنتى مالىمەتىنشە، بۇل دەرەككە قاتىستى «ادام ءولتىرۋ» بابى بويىنشا قىلمىستىق ءىس قوزعالعان. مارقۇمنىڭ جەكە باسى انىقتالعان.
«قازىر كۇدىكتىنى انىقتاۋ جانە ۇستاۋ ءۇشىن جەدەل ىزدەستىرۋ ءىس-شارالارى جۇرگىزىلىپ جاتىر»، - دەدى ۆەدومستۆو وكىلى.
كەيىن الەۋمەتتىك جەلىلەردە مارقۇم قۇقىق قورعاۋ ورگاندارىنىڭ بۇرىنعى قىزمەتكەرى بولۋى مۇمكىن دەگەن اقپارات تارادى. الايدا پوليتسيا بۇل اقپاراتقا پىكىر بىلدىرگەن جوق.
