تانىمال ءانشى الماس كىشكەنبايەۆقا سوت ۇكىمى شىقتى

الماتى قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتى جابىق تۇردە كىشكەنبايەۆقا قاتىستى اكىمشىلىك قۇقىق بۇزۋشىلىق تۋرالى ءىستى قارادى.

الماس كىشكەنبايەۆقا ا ق ب ت ك- ءنىڭ 434-بابىنىڭ 1-بولىگى بويىنشا ايىپ تاعىلىپ وتىر. بۇل باپ بويىنشا وعان 20 ا ە ك (78640 تەڭگە) مولشەرىندە ايىپپۇل سالىنۋى نەمەسە 5 تاۋلىكتەن 15 تاۋلىككە دەيىنگى مەرزىمگە اكىمشىلىك قاماققا الىنۋى مۇمكىن.

سوتپەن ك. - نىڭ ماس كۇيىندە بولا تۇرا، وسىنداي ارەكەتتەردى جاساعانى انىقتالدى.

سوتتا ءانشى جاعدايدىڭ ءمان-جايى ەسىندە جوق ەكەنىن ءتۇسىندىردى.

- جوعارىدا ايتىلعانداردىڭ نەگىزىندە ك. -عا ا ق ب ت ك- ءنىڭ 434-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 15 تاۋلىككە قاماۋعا الۋ جازاسى تاعايىندالدى، - دەپ حابارلادى سوتتان.

سوت قاۋلىسى زاڭدى كۇشىنە ەنگەن جوق.

ەسكە سالايىق، بۇعان دەيىن Telegram-ارنالاردىڭ بىرىندە ءانشى الماس كىشكەنبايەۆ وقۋشىعا ءتيىستى دەگەن اقپارات تاراعان بولاتىن.

ايتا كەتەيىك، الماتىدا تانىمال ءانشى قاماۋعا الىندى، ونىڭ ناشا شەگىپ، وعان ماساڭ كۇيدە بولعانى انىقتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى