تامىزداعى ۇ ب ت: 77 تالاپكەردىڭ تەست ناتيجەسى جويىلدى
استانا. KAZINFORM - ۇلتتىق تەستىلەۋ ورتالىعى تامىز ايىنداعى ۇ ب ت ناتيجەسىن جاريالادى.
ۆەدومستۆو تاراتقان دەرەككە قاراعاندا، تەستىلەۋدى 18 مىڭنان استام ادام تاپسىردى.
ونىڭ ىشىندە:
تالاپكەرلەردىڭ %52- ى شەكتى بال جينادى؛
ورتاشا بال - 54 بال؛
ەڭ جوعارى بال - 128 بال؛
ەرەكشە ءبىلىم بەرۋ قاجەتتىلىگى بار 100 تالاپكەر قاتىستى.
«ەرەجە بۇزعانى ءۇشىن 77 ادامنىڭ ناتيجەلەرى جويىلدى. اتاپ وتسەك. سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان 44 تالاپكەر تەست تاپسىرۋ مۇمكىندىگىنەن ايىرىلدى.
تەستىلەۋ كەزىندە ەرەجەلەردى بۇزعانى ءۇشىن اۋديتوريادان 33 ادام شىعارىلدى.
بوگدە تۇلعالار انىقتالعان جوق»، - دەپ جازدى ورتالىقتان.
