تاۋەلسىزدىك كۇنىنە تارتۋ. پويىزدا تەرمە ورىنداعان بالالار كوپشىلىكتى ءسۇيسىندىردى
استانا. قازاقپارات - جاس ونەرپازدار №12-شىمكەنت- الماتى پويىزىندا تاۋەلسىزدىك مەرەكەسىنە وراي تەرمە ورىنداپ، جولاۋشىلارعا ەرەكشە رۋحاني تارتۋ جاسادى.
ق ت ج مالىمەتىنشە، تاشكەنتتە وتكەن بايقاۋدا باس جۇلدەنى جەڭىپ الىپ، دۋبايدا وتەتىن بەدەلدى جارىسقا جولداما يەلەنگەن جاس ونەرپازدار ەلگە ۇلكەن جەڭىسپەن ورالىپ كەلە جاتقان.
«ساپار بارىسىندا تالانتتى دومبىراشىلار حالىق تەرمەسىن ورىنداپ، وزدەرىنىڭ ونەردەگى شەبەرلىكتەرى مەن ۇلتتىق مۇراعا دەگەن سۇيىسپەنشىلىكتەرىن پاش ەتتى. تەرمە ءماتىنى تۋعان جەرگە دەگەن ماحاببات پەن ۇلتتىق قۇندىلىقتاردى ناسيحاتتايدى»، - دەلىنگەن حابارلامادا.
بالالاردىڭ ايتۋىنشا، بۇل - تاۋەلسىزدىك كۇنىنە ارناعان ەرەكشە تارتۋلارى.
