تاۋەلسىزدىك كۇنى مەرەكەسىندە ينتەرنەت نەگە ناشارلادى - مينيستر جاۋابى
استانا. KAZINFORM - تاۋەلسىزدىك كۇنى مەرەكەسىندە ەلىمىزدە ينتەرنەت باياۋ ۇستادى. ايتا كەتەيىك، بۇل مەرەكەدە قازاقستاندىقتار ءۇش كۇن دەمالدى.
بۇگىن ۇكىمەتتىڭ سيفرلاندىرۋ جانە جاساندى ينتەللەكت تاقىرىبىنا ارنالعان كوشپەلى وتىرىسىنان كەيىن ب ا ق وكىلدەرى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆتەن تاۋەلسىزدىك كۇنى مەرەكەسىندە باياۋ ينتەرنەتكە قاتىستى ساۋال جولدادى.
- ينتەرنەت بويىنشا كەز كەلگەن اقاۋعا اۆتوماتتى تۇردە ارەكەت ەتەمىز. الداعى مەرەكەدە اقاۋ بولمايدى دەپ ويلايمىز. مەندە ينتەرنەتتىڭ ناشارلاۋى ميتينگىمەن بايلانىستى دەگەن اقپار جوق، - دەدى جاسلان ماديەۆ
وسى ورايدا جۋرناليستەر مينيستردەن ينتەرنەتتىڭ تومەندەۋىنىڭ، دۇرىس ۇستاماۋىنىڭ ناقتى سەبەبىن سۇرادى.
- ەلىمىزدە كوپتەگەن مالىمەتتەر بازاسى بار، ولاردىڭ بارلىعى ءبىر-بىرىمەن بىرىكتىرىلگەن. بۇل تەحنولوگيالاردىڭ ارتىندا اۋقىمدى سۇرانىستار مەن پروتسەستەر جاتىر. سوندىقتان ينتەرنەت بويىنشا اقاۋ كەز- كەلگەن ۇيىمدا، بانكتە، مەملەكەتتىك ورگاندا نەمەسە كەز-كەلگەن ەلدە بولۋى مۇمكىن. ءبىز بۇل ماسەلەگە تەز ارەكەت ەتىپ، جىلدام شەشتىك، ادامدار اقاۋدان 3-4 كۇن بويى ينتەرنەتسىز قالعان جوق. ءار جايت بويىنشا رەپورتاج دايىندايتىن ءتيىستى ماماندار بار جانە الداعى ۋاقىتتا مۇنداي قاتەلىكتەر قايتالانباۋى ءۇشىن شارالار قابىلدانۋدا، - دەپ تولىقتىردى مينيستر.
ايتا كەتەيىك، بيىل قازاقستان ينتەرنەتى ەڭ ارزان ەلدەر تىزىمىنە ەندى.
