تالدىقورعانداعى وقيعا: جەتىسۋ وبلىستىق پوليتسيا دەپارتامەنتىنىڭ باستىعى قىزمەتىنەن بوساتىلدى
تالدىقورعاندا بولعان سوڭعى رەزونانستىق وقيعادان كەيىن ىشكى ىستەر ءمينيسترى ەرجان سادەنوۆ ءى ءى م ورتالىق اپپاراتى قىزمەت باسشىلارىنان قۇرالعان ارنايى توپپەن جەتىسۋ وبلىسىنا باردى، دەپ حابارلايدى polisia.kz.
ۆەدومستۆو باسشىسى ءوزىنىڭ ساپارى اياسىندا ءوڭىر پوليتسياسىنىڭ جەكە قۇرامىمەن جانە ءى ءى و ارداگەرلەرىمەن كەزدەسۋ وتكىزدى. وتىرىسقا وبلىس اكىمى بەيبىت يسابايەۆ تا قاتىسقان.
كەزدەسۋدە مينيستر جەتىسۋ وبلىسىنىڭ پوليتسيا باسشىلارىنا قاتىستى قابىلدانعان شەشىمدى ايتتى. وسىلايشا، وبلىستىق پوليتسيا دەپارتامەنتىنىڭ باستىعى اتىعاي ارىستانوۆ قىزمەتىنەن بوساتىلدى. ونىڭ ءبىرىنشى ورىنباسارى جاسۇلان بايكەنوۆكە قىزمەتتىك سايكەستىكتىڭ تولىق ەمەستىگى تۋرالى ەسكەرتىلدى.
وبلىستىق دەپارتامەنت باستىعىنىڭ كادر ساياساتى جونىندەگى ورىنباسارى تالانت جۇمابەكوۆ پەن تەرگەۋ بويىنشا ورىنباسارى ماقسات ەرەجەپوۆ تە ءوز قىزمەتتەرىنەن بوساتىلدى.
جەتىسۋ وبلىسى پ د باستىعىنىڭ مىندەتىن ەندى پوليتسيا گەنەرال-مايورى ارمان سادانوۆ اتقاراتىن بولادى. بۇعان دەيىن ول ءى ءى م وزىندىك قاۋىپسىزدىك دەپارتامەنتىن باسقارعان.
«ەل ازاماتتارىنىڭ كونستيتۋتسيالىق قۇقىقتارىن قورعايتىن پوليتسيا قىزمەتكەرى ءۇشىن زاڭ مەن ءتارتىپ ءبىرىنشى ورىندا بولۋى كەرەك. قۇقىققا قايشى كەلگەن ازاماتتار مەن پوليتسەيلەردىڭ زاڭسىز ارەكەتىنە توسقاۋىل قويىلۋى ءتيىس. زاڭ بارىنە ورتاق»، - دەپ اتاپ ءوتتى مينيستر ەرجان سادەنوۆ.
ايتا كەتەيىك، بۇعان دەيىن قىز زورلادى دەگەن كۇدىككە ىلىنگەن تالدىقورعان قالالىق ءى ءى ب باستىعى قاماۋعا الىندى.
