تالدىقورعانداعى مەيرامحانا قوناعىنان تاپانشا تابىلدى
ءتارتىپ ساقشىلارى كەزەكتى تەكسەرۋ بارىسىندا تالدىقورعانداعى مەيرامحانالاردىڭ بىرىنەن سۋىق قارۋ تاركىلەدى، دەپ حابارلايدى Kazinform.
گازبەن اتىلاتىن تراۆماتيكالىق پيستولەت ساراپتاماعا جىبەرىلگەن. بولجام بويىنشا، ۇستاۋعا رۇقسات ەتىلمەگەن قارۋ بۇعان دەيىن ۇرلانعان تاپانشا بولۋى مۇمكىن.
سونداي-اق وتكەن ەكى تاۋلىك ارالىعىندا جەتىسۋلىق پوليتسەيلەر زاڭسىز اينالىمدا جۇرگەن تاعى ەكى سۋىق قارۋ ءتۇرىن انىقتاعان. وتقارۋ وبلىس ورتالىعىنا جاقىن اۋدانداردان تابىلعان قازىر تاركىلەنگەن قارۋ-جاراق ارنايى ساراپتاماعا جىبەرىلىپ، قىلمىستىق وقيعالارعا قاتىسىنىڭ بار-جوقتىعى انىقتالۋ ۇستىندە ەكەن.
جالپى، جىل باسىنان بەرى جەتىسۋ وبلىسىنىڭ اۋماعىنان 56 بىرلىك سۋىق قارۋ ءتۇرى تابىلىپ، تاركىلەنگەن.
