تالدىقورعاندا ەكى ادامدى ولتىرگەن كۇدىكتىگە ىزدەۋ سالىندى

ەر ادامعا وسى جىلى 5- قاڭتاردا تالدىقورعاندا اسا اۋىر قىلمىس جاساپ، ادام ءولتىردى دەگەن ايىپ تاعىلىپ وتىر، - دەپ حابارلايدى Massaget.kz ءتىلشىسى.

ەرەكشە بەلگىلەرى: مويىننىڭ سول جاعىندا شايان سۋرەتى بار (تاتۋيروۆكا)، قولدارىنىڭ بىرىندە ساۋساق جوق.

«ىزدەۋدەگى تۇلعانىڭ ورنالاسقان جەرى تۋرالى اقپاراتى بار بارلىق ادامعا دەرەۋ پوليتسياعا حابارلاۋدى سۇرايمىز: 87282608066، 87474313133، 87786548686 نەمەسە 102»، - دەلىنگەن حابارلامادا.

ەسكە سالايىق، بۇعان دەيىن تالدىقورعانداعى اقباستاۋ كوشەسىندەگى ۇيدە تاماعى كەسىلگەن ەكى ادام ءولى تابىلعانىن حابارلاعان ەدىك. جەتىسۋ وبلىستىق پوليتسيا دەپارتامەنتى بۇل فاكتىنى راستاعانىمەن، قىلمىستىڭ جاي-جاپسارى تۋرالى اشىپ ايتپادى.

«جەدەل ىزدەستىرۋ شارالارى ۇيىمداستىرىلدى. باسقا مالىمەتتەر تەرگەۋ مۇددەسى ءۇشىن جاريالانبايدى»، - دەپ حابارلادى ۆەدومستۆو.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى