«تالدىقورعان -وسكەمەن» اۆتوجولىن قايتا جاڭارتۋ جۇمىستارى قاشان اياقتالادى

«قازاۆتوجول» ۇلتتىق كومپانياسى ۇزىندىعى 768 شاقىرىم «تالدىقورعان -وسكەمەن» اۆتوجولىنىڭ قايتا جاڭارۋ جۇمىستارىن جالعاستىرىپ جاتقانىن ءمالىم ەتتى. بۇل جولدىڭ 58 شاقىرىمى 1- ب ساناتىنا، ال 710 شاقىرىمى Ⅱساناتقا جاتادى. قازىرگى تاڭدا 748 شاقىرىمعا جاڭا اسفالتبەتون جابىنى توسەلدى.

قايتا جاڭارۋدان ءوتىپ جاتقان «تالدىقورعان - وسكەمەن» اۆتوجولى ءۇش وبلىستى قامتيدى: جەتىسۋ، اباي جانە شىعىس قازاقستان. جوبا اياسىندا 81 كوپىر مەن جول وتكەلدەرىن، سونداي-اق 521 سۋ وتكىزگىش قۇبىرلارىن سالۋ جوسپارلانىپ وتىر.

سونىمەن قاتار جوبا اياسىندا سانيتارلىق- گيگيەنالىق قۇرىلعىلارى بار دەمالىس ورىندارىن سوعۋ قاراستىرىلعان. 2023 -جىلى تالدىقورعان قالاسىنان اباي وبلىسىنا، قاراكول اۋىلىنان اياگوز جانە وسكەمەن قالالارىنا دەيىن قاۋىپسىز قوزعالىس قامتاماسىز ەتىلدى. 2023 -جىلدىڭ قورىتىندىسى بويىنشا 87,3 شاقىرىم (90 شاقىرىمنان) اينالما جولى الىنىپ، 127 شاقىرىمعا تومەنگى قابات توسەلدى. 2024 -جىلدىڭ باسىنان بەرى 35 شاقىرىم اسفالتبەتون جابىنى توسەلدى نەمەسە 45 مىڭ توننا اسفالتبەتون.

قازىرگى تاڭدا قۋاتتىلىعى 2,4 مىڭ توننا/ساع- تان اساتىن 12 اسفالتبەتون زاۋىتى جانە 2,3 مىڭ توننا/ساع 9 ۇساقتاپ ىرىكتەيتىن زاۋىت موبيليزاتسيالانىپ، 861 بىرلىك تەحنيكا مەن 1312 ادام جۇمىلدىرىلدى.

2024 -جىلدىڭ قورىتىندىسى بويىنشا نەگىزگى جولدا قولايلى جانە قاۋىپسىز قوزعالىستى قامتاماسىز ەتىپ، جوبانى اياقتاۋدى جوسپارلانىپ وتىر.

اۆتور

ەلميرا ورالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى