تالدىقورعان: قىزىلتاس پەتروگليفتەرى مەملەكەت قورعاۋىنا الىندى
تالدىقورعان. KAZINFORM - جەتىسۋ وبلىسىنداعى قىزىلتاس پەتروگليفتەرىن جەرگىلىكتى ماڭىزى بار قورعالاتىن تاريحي- مادەني نىساندار تىزىمىنە ەنگىزۋ تۋرالى تاقتا ورناتىلدى.
ەكولوگتەردىڭ باستاماسىمەن «تاسباقا» تاس پەن جارتاستاعى پەتروگليفتەردى ساقتاۋ ءۇشىن اۋقىمدى جۇمىس اتقارىلدى. پەتروگليفتەر تۇرعان جەرلەردە ديوريت وندىرۋگە تىيىم سالىنعان.
سونداي- اق، تاريحي ورىندا « قىزىلتاس - تاسباقا» ەكولوگيالىق اكتسياسى ۇيىمداستىرىلدى. شاراعا شەنەۋنىكتەر، قوعام بەلسەندىلەرى، ەكو- ەرىكتىلەر قاتىستى.
«مۇنداي ءىس- شارالار وسكەلەڭ ۇرپاقتىڭ تۋعان ولكەنىڭ تابيعاتى مەن تاريحىنا دەگەن سۇيىسپەنشىلىگىن، جەر الدىنداعى جاۋاپكەرشىلىگىن جانە ادامداردىڭ ەكولوگيالىق ساۋاتتىلىعىن ارتتىرادى» ، - دەيدى «قازاقستان ستۋدەنتتەر اليانسى» جەتىسۋ وبلىسى بويىنشا فيليالىنىڭ ءتوراعاسى، ەكوۆولونتەر ەسكەندىر اماندوس.
ەسكە سالا كەتەيىك، بۇعان دەيىن تالدىقورعانداعى ساياباقتان جەكە تۇلعالارعا زاڭسىز بەرىلگەن جەر مەملەكەتكە قايتارىلعانىن جازعانبىز.
