تالعاردا بوپسالاۋمەن اينالىسقان قىلمىستىق توپ ۇستالدى

پوليسيانىڭ مالىمەتىنشە، قىلمىستىق سحەمانىڭ ۇيىمداستىرۋشىسى - قاينازار اۋىلىنىڭ 19 جاستاعى تۇرعىنى. ول ءوز سىبايلاستارىمەن بىرگە قۇربانداردى الەۋمەتتىك جەلىلەر ارقىلى ىزدەگەن.

- قىلمىستىق توپتىڭ قۇرامىنداعى 17 جاستاعى قىز قۇرباندارىمەن تانىسىپ، كەزدەسۋگە ۇسىنىس جاساعان. كەزدەسۋ كەزىندە ول ءوزىن ەركىن ۇستاپ، جىگىتتىڭ سەنىمىنە كىرگەن. الايدا ءبىراز ۋاقىتتان كەيىن كەنەتتەن «اعالارىمىز» دەپ تانىستىرعان ءبىر توپ جاس جىگىت كەلىپ، جابىرلەنۋشىنى بوپسالايتىن بولعان. ولار جىنىستىق قاتىناسقا بايلانىستى جالعان ايىپ تاعىپ، اقشا تالاپ ەتكەن. قاجەت بولعان جاعدايدا كۇش قولدانىپ، باعالى زاتتاردى، قۇجاتتاردى تارتىپ الىپ، ءىرى كولەمدە اقشا اۋدارۋعا ماجبۇرلەگەن، - دەپ حابارلادى دەپارتامەنتتەن.

وبلىستىق پوليتسيا مالىمەتىنە سايكەس، 2025 -جىلدىڭ 6-اقپانىندا قىلمىستىق توپتىڭ قۇربانى 24 جاستاعى الماتى قالاسىنىڭ تۇرعىنى بولعان. ونى توپ مۇشەلەرى كۇشپەن ۇستاپ، جەكە قۇجاتتارى مەن كولىگىن تارتىپ العان، سونداي- اق 100000 تەڭگە اۋدارۋدى تالاپ ەتكەن. كەيىن قاسكويلەر ودان تاعى 1400000 تەڭگە تالاپ ەتىپ، قورقىتا باستاعان.

- جەدەل- ىزدەستىرۋ شارالارىنىڭ ناتيجەسىندە ۇ ق ق ك ب قىزمەتكەرلەرى توپتىڭ بارلىق مۇشەلەرىن ۇستادى. ولاردىڭ ۇستىنەن قورقىتىپ الۋ دەرەگى بويىنشا قىلمىستىق ءىس قوزعالدى. پوليتسياعا جەتى ادام جەتكىزىلدى، ولاردىڭ تورتەۋى نەگىزگى كۇدىكتى رەتىندە ۋاقىتشا ۇستاۋ يزولياتورىنا قامالدى. قازىرگى ۋاقىتتا قىلمىستىڭ بارلىق ءمان- جايى مەن باسقا دا زارداپ شەككەندەردى انىقتاۋ بويىنشا جۇمىستار جۇرگىزىلىپ جاتىر، - دەپ حابارلادى پوليتسيادان.

ەسكە سالايىق، بىلتىر 4-قازاندا تالعار قالاسىنداعى توبەلەستەن 16 جاستاعى شەرزات پولات قايتىس بولعانىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى