تالعاردا اكەسىنىڭ كولىگىن ايداپ كەتكەن بالا وقۋشى قىزدى قاقتى
قونايەۆ. KAZINFORM - تالعاردا اكەسىنىڭ كولىگىن جۇرگىزىپ كەتكەن ۇلى كامەلەتكە تولماعان قىزدى قاقتى.
وقيعانىڭ ۆيدەوسى الەۋمەتتىك جەلىگە شىقتى. وندا وقيعانىڭ تالعار قالاسىندا بولعانى جازىلعان.
الماتى وبلىسىنىڭ پوليتسيا دەپارتامەنتى الەۋمەتتىك جەلىنى تەكسەرۋ بارىسىندا اتالمىش وقيعانى انىقتاعان.
جەدەل-ىزدەستىرۋ بارىسىندا كولىكتى جۇرگىزۋشى مەن ونىڭ يەسى تابىلدى.
«زارداپ شەككەن قىزدى دارىگەرلەر تەكسەرىپ، ۇيىنە جىبەردى. سەبەبى وندا دەنە جاراقاتتارى بولعان جوق. اۆتوكولىكتى ونىڭ يەسىنىڭ كامەلەتكە تولماعان ۇلى جۇرگىزگەنى بەلگىلى بولدى. قازىرگى تاڭدا كىنالى تۇلعاعا قاتىستى اكىمشىلىك قۇقىق بۇزۋ تۋرالى كودەكستىڭ 610-بابىنىڭ 1-بولىگى بويىنشا اكىمشىلىك حاتتاما تولتىرىلدى»، - دەپ حابارلادى پوليتسيانىڭ باسپا ءسوز قىزمەتى.
سونداي-اق مۇنداي وقيعا قايتالانباس ءۇشىن كولىك يەسى جانە ونىڭ ۇلىمەن پروفيلاكتيكالىق اڭگىمە جۇرگىزىلگەن.
Посмотреть эту публикацию в Instagram
